دایك و گهنجێن ئێزدی گرنگییا جیرانینیێ بلند دنرخینن
سهما – شاریا
د كهلتوورێ جڤاكی یێ ئێزدیان دا، جیرانینی وهكو ئێك ژ كهلتوورێ ههره ب هێزێن پهیوهندیێن مرۆڤایهتی دهێته ههژمارتن، ژ بۆ گههشتن ب ڕاستییا ڤێ پهیوهندیێ، چهندین دایك و كهسایهتیێن ئێزدی باس ل سهرهدری و گرنگییا جیرانێ باش د ژیانا رۆژانه دا دكهن و دوپات دكهن كو جیرانێ نێزیك گهلهك جاران جهێ برایێ دوور دگریت.
دای فهرحا دایكا ئێزدی یه، د ڤێ دهرێ دا بۆ كهنالێ سهما و پهیامنێرێ وێ خالد شێخ خدیدا دبێژیت: “جیرانی گهلهك یا باشه، جیرانێ باش وهكو كور و برایێ مرۆڤی یه.”
وێ ئاماژه ب ئهزموونا خۆ دا و گۆت كو جیرانێ مرۆڤی د نههامهتییان دا بهری ههموو كهسی ل هاوارا مرۆڤی دهێت، ئهڤهژی نیشانا وێ پهیوهندییا بهێزا جڤاكی یه.
ژ لایێ خۆ ڤه، فهریدا جندۆ، كو دایكهكا دی یا ئێزدی یه، ئاماژه ب خالهكا گرنگ دكت و دبێژت: “جیرانێ نێزیك ژ برایێ دوور چێتره.” وێ روونكر كو نه بتنێ د خۆشی و نهخۆشییان دا، بهلكو د پاراستنا مال و ملكی دا ژی جیران رۆلهكێ سهرهكی دبینت؛ دهما خێزان دچته گهشتێ، ئهو جیرانه چاڤدێرییا مالێ دكهت و دبته سهنگهرێ ئێمناهیێ.
د ناڤ جڤاكی دا گۆتنهكا ناڤدار ههیه دبێژیت “جیران بهری خانی”، ئهڤ چهنده د ئاخفتنا ئهنوهر خهلهف دا ب روونی دیار بوو، وی دیار كر كو بهری ههر كهسهك خانیهكی ئاڤا بكهت، پێدڤیه پسیارا جیرانێن وی جهی بكهت، “ههگهر جیران د باش بن مرۆڤ خانی ئاڤا دكهت، ئهگهر نه، مرۆڤ خۆ ژ وی جهی دوور دكهت.”
ههروهسان فهرحان گرێپانی باس ل رهوشهنبیرییا جیرانینیێ د تاخێ خۆ دا دكهت و دبێژیت: “د بن سێبهرا بای و بارانێ دا، دهرگههێ من ههردهم یێ ڤهكری یه بۆ جیرانێن من”، وی دوپات كر كو تاخێ وان ب جوامێریێ دهێته ناسین و ههموو جیران وهكو ئێك خێزان پشتهڤانییا ئێك دكهن.
ئهڤ دید و بۆچوونه نیشان ددهن كو جیرانینی ل دهڤهرێ نه بتنێ ئاكنجیبوونه ل ب رهخ ئێك ڤه، بهلكو سیستهمهكێ بهێز یێ مرۆڤایهتی و پشتگرییا جڤاكی یه كو د ناڤبهرا پێكهاتهیێن دهڤهرێ دا ههتا ئیڕۆ ب زیندی ماییه.
