ناڤهندا نووچهيان – سهما
وەزارەتا دارایی و ئابۆری یا حکومەتا هەرێما کوردستانێ ڕاگەهاند، ڕێکارێن یاسایی و کارگێڕی یێن تایبەت ب لیستا مووچەیێ مەها تەمموزێ (تیرمەهێ) هاتنە تەمامکرن و ڕادهستى حکومەتا فیدڕال هاتنە کرن.
ئيرۆ چارشەمبێ، 22ـى تەمموزا 2026ێ، تیما تەکنیکی یا وەزارەتا دارایی و ئابۆری یا حكومهتا هەرێما کوردستانێ، لیستا مووچەیێ ههيڤا تەمموزێ یا فەرمانبەر و مووچەخۆرێن هەرێما کوردستانێ و ڕاپۆرتا تەرازوویا پێداچۆنا ههيڤا حوزەیرانێ ڕادهستى فەرمانگەها ژمێریاری ل وەزارەتا دارایی یا حکومەتا فیدڕال کرن.
ژ لایەکێ دی ڤە، دەربارەی فەرمانبەرێن گرێبەست، وەزارەتا دارایی ئاماژە ب هندێ دایە، ل سەر ڕاسپاردەیا وەزیرێ دارایی، ناڤێن 981 فەرمانبەرێن گرێبەست ئاشکەرا کرن کو تەمەنێ وان ژ 60 سالان دەرباز ببوو، دیسان هاتنە داخلکرن د لیستا مووچەیی دا. ئەڤ فەرمانبەرە دێ هەتا داويیا سالا 2026ێ د ئەرکێن خۆ و خزمەتکرنێ دا بەردەوام بن.