ناڤه‌ندا نووچه‌یان – سه‌ما

رێڤەبەریا گشتی یا سه‌قاناسی و پیڤه‌له‌رزان ل هەرێما كوردستانێ ڕەوشا سه‌قایی بۆ 48 دەمژمێرێن بهێت بەلاڤکر و ڕاگەهاند کو پێلا بارانبارینێ دێ یا به‌رده‌وام بت.

ئیرۆ دووشەمبوویێ 23ی ئادارێ، سه‌قاناسیێ دیارکر کو ب گشتی ئەسمانێ هەرێمێ د ناڤبەرا نیڤ عەور و كێم عەوران دایه‌ و ل دەمێن پشتی نیڤڕۆ هەتا هێڤاری، ل سنووێ ئیدارەیا سەربەخۆ یا زاخۆ و دەڤەرێن سنووری یێن وێ دەڤەرێ، باران دێ کێمەکێ پتر لێ هێت، پاشان ڕەوشا سەقایی دێ بەرەڤ جێگیربوونێ چت و پلەیێن گەرمێ ژی د ناڤبەرا (1 بۆ 3) پلەیان دا دێ بلند بن.

سوبەهی سێشەمبوویێ 24ی ئادارێ، ل دووڤ پێشبینیێن سه‌قاناسیێ، ئەسمان ژ نیڤ عەوران دێ گهۆڕت بۆ عەورێن تەمام و ل دەمێن پشتی نیڤڕۆ باران دێ بارت و دێ چەندین دەڤەرێن هەرێمێ ڤەگرت و  پاشان ل دەمێن درەنگتر یێن پشتی نیڤڕۆ کارتێكرنا وێ دێ بۆ زۆربەیا دەڤەران درێژ بت.