ناڤهندا نووچهیان – سهما
ئیرۆ ڕێککەفتی 6/3/2026 ێ ل ڕۆژا ئینییێ، بنگەهێ لالش تایێ شاریا ب هەماهەنگی ل گەل پەرلەمانتارێ عێراقێ بەڕێز ” بناس دۆسکی” هاریکاری ل سەر 210 خێزانێن کێمدەرامەت بەلاڤ کرن کو پێکهاتبوون ژ خەلکێ خۆجهـ یێ کۆمەلگەها شاریا و ئاوارەیێن ل شاریا.
هاریکاری پێکهاتبوون ژ کارتۆنەکا تژی ژ کەرستەیێن خوارنێ سەرجەمێ وان 210 کارتۆن بوون.
هەژی یە بێژین، پەرلەمانتار ” بناس دۆسکی” چەندین جاران هاریکاری ب سەر خەلکێ مە دا بەلاڤکرینە ب ڕێکا بنگەهێ لالش تایێ شاریا. جهێ ئاماژێ یە بنگەهێ لالش تایێ شاریا وەکو ئەرکەکێ مرۆڤاتی هەردەم پێشەنگە د هاریکاریکرنا خەلکێ خۆ و ئاوارەیێن ل سنوورێ کۆمەلگەها شاریا د هەموو هەلکەفتێن ئۆلی و نەتەوەیی دا دەستپێشخەر بوویە بۆ هاریکارییا خێزانێن کێمدەرامەت و پێدڤی.
