ناڤهندا نووچهیان – سهما
ل ڕێکەفتی 16ـێ ئادارا 2026ێ، د پێنگاڤەکا خێرخوازی و وەرزشی دا، نڤیسینگەها بێرا ئادهمی ب هەماهەنگی دگەل بنگههێ لالش یێ سنوونێ، پڕۆژەیێ چێکرنا یاریگەهەکا تهپا دهستی (Volleyball) بۆ قوتابخانەیا ناڤچهیا کهرسێ یا خواندنا کوردی ل دەڤەرا شنگال/سنوونێ ل گوندێ بهرلێڤێ دهستپێكرن.
ئەڤ دەستپێشخەرییە پشتی وێ چەندێ هات کو قوتابخانەیا ناڤبری وەک ناڤەندەکا نوو یا خواندنێ هاتیە ڤەکرن و چ جهێن وەرزشی تێدا نەبوون، ژبۆ خزمەتکرنا قوتابیان و گەشەپێدانا بەهرەیێن وان یێن وەرزشی، نڤیسینگەها بێرئادهمی رابوون ب:
-
چێکرنا یاریگەهەکا تایبەت ب یارییا ڤۆلی بۆلێ.
-
دابینکرنا کەلوپەلێن سەرەکی و بنەڕەتی یێن یاریگەهێ.
-
کڕینا پێدڤیێن وەرزشی بۆ قوتابیان.
ئەڤ جۆرە هەماهەنگییە د ناڤبەرا ڕێكخراو و ناڤەندێن ڕەوشەنبیری و پەروەردەیی دا، ڕۆلەکێ گرنگ دبینت د ئاڤاکرنا ژینگەکا ساخلەم بۆ نەوەیێ نوو ل دەڤەرێن شنگال و سنوونێ، ب تایبەت د کەرتێ وەرزش و پەروەردێ دا.
