ناڤەندا نووچەیان – سەما
دادگەها تاوانێن کەرخ سزایێ سێدارەدانێ ب سەر تاوانبارەکێ سەر ب رێکخراوا تیرۆرستی یا “داعش” دا سەپاند، ژ بەر پشکداریا وی د کریارێن تیرۆرستی دا کو هێزێن ئێمناهييێ و وەلاتیێن سڤیل کربوونە ئارمانج.
ئەنجوومەنێ بلند یێ دادوەری، ئيرۆ ئێك شهمبوويێ 5ـى نيسانا 2026، د بەیاننامەیەکێ دا ڕاگههاند: ” ئەوى تیرۆرستى ل گەل گرۆپێ خۆ پشکداری د ئەنجامدانا چەندین تاوانێن دلتەزێن دا کربوو ل قەزا شنگالێ ل سالا 2014ێ، کو تێدا ژن و کچێن ئێزدی هاتبوونە رەڤاندن و زهلام هاتبوونە کوشتن، ب مەرەما تێکدانا ئارامی و سەقامگیریا وەلاتی و بەلاڤکرنا ترسێ د ناڤ دلێ وەلاتییان دا بۆ گەهشتن ب مەرەمێن تیرۆرستی.”
رۆنكر ژى، سزایێ سێدارەدانێ ب پشتبەستن ب برگهيێن ماددێ (چار/1) و ب ئاماژەدان ب ماددێ (دوو/ 1 و 3 و 8) ژ یاسایا دژە تیرۆرێ ژمارە 13 یا سالا 2005ێ هاتییە دەرئێخستن. هەروەسا دادگەهێ مفا ژ برگهيێن ماددێ (7/ ئێکەم) یێ یاسایا ڕزگاربوویێن ئێزدی ژمارە 8 یا سالا 2021ێ وەرگرتییە بۆ چەسپاندنا ڤی سزایی.