ناڤەندا نووچەیان – سەما
دهربارهى گێرانا ڕێورهسمێن توافان، ڕيهسپى و خهلكێ گوندێ خهتارێ كۆمبوون و بڕيار دان ئيساله چو خرڤهبوون و خۆشى و شاهى نهبن و بتنێ ڕێورهسمێن ئۆلى بكهن.
ملحهم رهشۆ، موختارێ گوندێ خهتارێ سهر ب ناحيهيا ئهلقوش ڤه، بۆ سهما دياركر، ژبەر وێ ڕەوشا هەستیار و تایبەت یا کو دەڤەر تێدا دەرباز دبت، ڕيهسپيێن دهڤهرێ كۆمبوون و بڕيار دان ئيساله ب تنێ ڕێوڕهسمێن ئۆلى يێن توافان ل گوندى بگێڕن.
گۆتژى: ڕێوڕەسمێن ئۆلى دێ ب تەمامی ل دووف داب و نەریتێن کەڤن یێن باب و کالان ئێنە ئەنجامدان، كو بتنێ دێ هلێلا خاسا جوان كهن و پهريا سوار كهن و سماتهكا تايبهت دئێته چێكرن.
ديار ژى كر، ڕێ دئێتە دان بۆ خەلکێ گوندی و مێهڤانان کو ل دەمێ ب ڕێڤەچوونا ڕێورەسمان ئامادە بن.
دهربارهى خۆشى و شاهيان، موختارێ گوندێ خهتارێ دبێژت: بڕیار هاتە دان کو ب چو ڕەنگان دیلان و کەیف و شاهی (دهۆل و زڕنا) نەئێتە کرن و ئەڤ پشکە ب ئێکجاری هاتە هەلوەشاندن و پشتى ب داوی هاتنا ڕێوڕەسمێن فەرمی، ب چو ڕەنگان ڕێ نائێتە دان خەلک ل جهێ توافێ کۆم ببن یان بمیننەڤە.
بڕياره سبهى ڕۆژا چارشهمبوويێ 7ـى نيسانا 2026، توافا “شهخسێ باتێ” ل كۆمهلگهها بابيرێ و گوندێ خهتارێ بێنه كرن، لێ ژ بهر ڕهوشا ئالۆز يا دهڤهر ب گشتى تێدا دبۆرت، ڕێورهسمێن توافێ هاتينه سنوورداركرن.