ناڤهندا نووچهيان – سهما
ب ههلكهفتا هاتنا جهژنا سهرسالا ئێزدييان (چارشەمبووا نیسانێ)، بابا شێخ شێخ عهلى شێخ لياس پهيامهكا پيرۆزباهييێ ل ئێزدييێن كوردستانێ و جيهانێ دكهت و دبێژت: داخوازێ ژ حکومەتا فیدڕال و حکومەتا هەرێما کوردستانێ دکەین کو ب شێوەیەکى جدی و بەرپرسانە کار بۆ ئاڤاکرنا قەزا شنگالێ بکەن.
د پهياما بابا شێخ دا هاتييه:
ب هەلکەفتا هاتنا جەژنا سەرێسالا ئێزدییان (چارشەمبووا نیسانێ)، کو دکەفتە رۆژا چارشەمبوويێ 15ـى نیسانا 2026، بابا شێخ، شێخ عەلی شێخ لیاس، گەرمترین و جوانترین پيرۆزباهييان ڕابهرى ئێزدييان ل کوردستان، عێراقێ و هەموو جیهانێ دکەت.
ژ خودایێ مەزن دخوازین کو ئەڤ هەلکەفتە بۆ هەموو ئێزدییان ببتە ئەگەرێ خێر و بەرەکەتێ، و هەموو مرۆڤاتی د ناڤ تەناهی و تەباییێ دا بژین. هەروەسا دوعایان دکەت کو ئاشتی ل دەڤەرێ بەلاڤ ببت و وەلاتێ مە یێ شرین ژ نەخۆشی و شەڕان دوور بت.
د ڤێ ڕۆژا پیرۆز دا، ئەم داخوازێ ژ حکومەتا فیدڕال و حکومەتا هەرێما کوردستانێ دکەین کو ب شێوەیەکى جدی و بەرپرسانە کار بۆ ئاڤاکرنا قەزا شنگالێ بکەن، و ژینگەههكا گونجای بۆ ڤەگەڕیانا ئاوارەیان بۆ سەر جهـ و وارێن وان یێن ڕەسەن ب کەرامەت و ئارامی دابین بکەن، داکو سەقامگیری و پاشەڕۆژا نفشێن مە مسۆگەر بت.
هەروەسا، ئەڤ جەژنە، ئەوا کو سیمبۆلێ ئافراندنا گەردونی و ژیانێ یە،و ئهڤ جهژن ببته دڕێژهپێدهرا عورف و ئهركانێن ئۆلا مه یا ئاشتيخواز و كهڤنار وهكو خوه ههى و دێ هەر مينت.
دوباره جهژنا وه پيرۆز بت
هەر سال ب خێر و خۆشی جەژنا خۆ بگێڕن.
بابا شێخ
شێخ عەلی شێخ لیاس
14/4/2026