ناڤەندا نووچەیان – سەما
مەسرور بارزانی، سەرۆکێ حکومەتا هەرێما کوردستانێ ب توندترین شێوە ئێرشێن ل سەر هەرێما کوردستانێ شەرمەزار دکەت و ب داوى ئينانا ئێرشان داخوازێ ژ هەڤپەیمانێن خۆ یێن نێڤدەولەتی دکەین، ڕێکارێن پێدڤی بۆ پاراستنا کوردستانێ و ژێرخانا وێ یا وزێ، دابین بکەن.
ئيرۆ شەمبوويێ، 18ـی نیسانا 2026، مەسرور بارزانی، سەرۆکێ حکومەتا هەرێما کوردستانێ د پەیامهكێدا ل تۆڕا کۆمەلایەتی يا (ئێکس) ڕاهگەیاند، “ب توندترین شێوە ئێرشێن ل سەر هەرێما کوردستانێ شەرمەزار دکەت ئەم نە بەشەک بووین ژ وی شەڕی، لێ ئێرش د چەند ڕۆژێن دەربازبووی دا هەر بەردەوام بوون.”
سەرۆکێ حكومهتێ رۆنكر ژى ، “سەرەڕای هەبوونا ئاگربەست و دانوستاندنێ، لێ ژبەر هێرشێن ئەڤان چەند ڕۆژان، پێنج کەس شەهید بوون و هەژمارەکا زۆر ژی بریندار بوون، ئەڤ چەندە بزاڤەکە بۆ تێکدانا ئاگربەستێ و گەهاندنا زیانێن پتر ب دەڤەرا مە.”
سەرۆکێ حکومەتا هەرێما کوردستانێ ب پێدڤى دزانت حکومەتا عێڕاقێ ” پێنگاڤێن كردارى بهاڤێژت بۆ بداویئینانا ئەڤان ئێرشان و دبێژت “داخوازێ ژ هەڤپەیمانێن خۆ یێن نێڤدەولەتی دکەین، ڕێکارێن پێدڤی بۆ پاراستنا کوردستانێ و ژێرخانا وێ یا وزێ، دابین بکەن.”