ناڤەندا نووچەیان – سەما
قايمقامێ قهزا سێمێلێ ڕاگههاند، پڕۆژهيێ ستراتیژی یێ ئاڤا خانکێ د قۆناغا نۆکە دا دێ ئاڤێ ب تنێ بۆ ناحیهيا خانکێ دابین کەت و دێ ئێته بهرفرههكرن بۆ ههموو دهڤهرێ.
ئيرۆ پێنج شەمبوويێ، 30ـى نيسانا 2026، دژوار شەوکەت، قایمقامێ قەزا سێمێلێ ڕاگههاند، د پلان دايه پڕۆژەيێ ئاڤا خانكێ بێته بهرفرههكرن و ببتە ژێدەرەکێ سەرەکی بۆ دابینکرنا ئاڤێ بۆ سەنتەرێ قەزا سێمێلێ و هەردو ناحیهيێن تەناهی و مسێریکێ.
دوپاتكر ژى، ئهڤ پرۆژه د نۆكه دا ب تنێ ئاڤێ بۆ خهلكێ ناحيهيا خانكێ دابين دكهت و مفايهكێ مهزن گههينته خهلكێ دهڤهرێ.
پڕۆژەیێ ناڤبرى وەک ئێک ژ پڕۆژەیێن ستراتیژی ل دەڤەرێ دئێتە هەژمارتن، کو ئارمانج ژێ بلندکرنا ئاستێ خزمەتگۆزاریيێن ئاڤێ یە بۆ وەلاتیێن سهنتهرێ قەزا سێمێلێ و ناحيهيیێن دەوروبەر.
ناحيهيا خانكێ سەر ب قەزا سێمێلێ ڤە ل پارێزگەها دهۆکێ، دکەفتە باشوورێ ڕۆژئاڤایێ باژێرێ دهۆکێ ب دووراتییا نێزیکی 20 کیلۆمەتران.
ههروهسا ئێك ژ وان دهڤهرانه ل سهر بەنداڤا مووسل، کو دیمەنەکێ جوان ددەتە دەڤەرێ و ل وەرزێ بههارێ خەلکەکێ زۆر بۆ گەشت و سهيرانێ قەستا وێ دکەن.