ناڤەندا نووچەیان – سەما
مەسرور بارزانی، سهرۆكێ حكومهتا ههرێما كوردستانێ پێشوازیيێ ل ڕێککەفتنا ئاگربەستا د ناڤبەرا ئەمریکا و ئيرانێ دا دکەت و دبێژت، هەرێما کوردستانێ ئامادەیە پشتەڤانیيێ ل وان بزاڤان بکەت یێن گرژییان کێم دکەن.
ئيرۆ چارشەمبوويێ8ـی نیسانا 2026، مەسرور بارزانی، سەرۆکێ حکومەتا هەرێما کوردستانێ د پەیامهكێ دا ل تۆڕا کۆمەلایەتی يا”ئێکس” ڕاگەهاند ” هيڤيدارم ئاگربەستا دناڤبەرا ئەمریکا و ئیرانێ دا بەردەوام بت و ڕێخۆشکەر بت بۆ سەقامگیری و ئاشتییەکا بەردەوام ل دەڤەرێ.”
مەسرور بارزانی سوپاسیيا هەموو ئەوان ئالييان كر کو پشتهڤان و هاریکاربووين بۆ پاراستنا هەرێما کوردستانێ.
دهقێ پهياما سهرۆكێ حكومهتا ههرێما كوهردستانێ:
هیڤیدرام ئاگربەستا د ناڤبەرا ئەمریکا و ئیرانێ دا ببتە ڕێخۆشکەر بۆ سەقامگیری و ئاشتییا بەردەوام ل دەڤەرێ.
سوپاسییا هەموو وان ئالییان دکەم یێن هاریکارییا مە کری بۆ پاراستنا هەرێما کوردستانێ. ئێرشێن ل سەر کوردستانێ نەڕەوا و بێ بەهانە بوون. هیڤیدارم هەموو ئێرشێن ل سەر وەلاتییێن سڤیل، پێشمەرگە، ژێرخان و نوونەراتییێن دبلۆماسی ب داوی بێن.
هەرێما کوردستانێ یا ئامادەیە پشتەڤانیا هەر بزاڤەکێ بکەت ژ بۆ کێمکرنا گرژییان و گەهشتن ب ئاشتییەكا بەردەوام ل دەڤەرێ.