ناڤهندا نووچهیان
داخوازييێن مير حازم تهحسين بهگ ميرێ ئێزدييان بۆ سهرۆك بارزانى د پەراوێزا وێ کۆمبوونێ دا، میرێ ئێزدییان چەند خالێن گرنگ یێن گرێدای ڕەوشا ئێزدییان ل بەغدا و هەولێرێ گەنگەشە کرن. ژ دیارترین ئەو مەلەفێن د کۆمبوونێ دا بەحس ل سەر هاتیيە کرن، پێدانا پۆستێن وەزاری بۆ ئێزدییان د هەردو حکومەتێن بەغدا و هەولێرێ دا بوو، ب تایبەتی کو پێکهێنانا کابینەیا حکومەتا فیدرال د ڕۆژهڤێ دا يه..
د هەمان دەم دا، میرێ ئێزدییان بهحس ل سەر گرنگییا سڤککرنا ڕێگرى و کۆسپان ل پێشيیا زڤڕینا ئاوارەیێن ئێزدی بۆ سەر مال و حال و دەڤەرێن وان ب سەربلندی و ڕێزگرتن کرهەروەسا میرى ئاماژە ب گرنگییا دەرێخستنا لێبۆرينهكێ نه بۆ زیندانیيێن ئێزدی کر ب هەلکەفتا هاتنا جەژنا قوربانێ.
ژ لایێ خۆ ڤە، سەرۆک بارزانی تێگەهشتنا خۆ بۆ داخوازێن ئێزدییان دیار کر: “ئەم هەموو بزاڤێن خۆ دکەین بۆ بجهئینانا مافێن وان یێن ڕەوا”. هەروەسا سەرۆک بارزانی دوپات ل سەر پشتەڤانییا خۆ یا بێسنوور بۆ ئێزدییان کر و ڕاگەهاند کو ئەو ب هەموو شیانێن خۆ ڤە د گەل وان دا.