ناڤەندا نووچەیان – سەما
سەرۆکێ باژێرڤانييا شێخان ڕاگەهاند، بڕیارە د ئاییندەیەکێ نێزیکدا، پارچهيێن ئهردى ب سەر فەرمانبەرێن سنوورێ قهزا شێخان بێنه دابەش كرن.
حکومەتا هەرێما کوردستانێ بەردەوامە ل سهر دابینکرنا رووبەرێ پێدڤى بۆ باژێرڤانييان بۆ هندێ هەموو فەرمانبەرێن ژ ههژى مافێ خۆ ب دەست ڤه بينن.
شهمبوويێ، 2ـی ئهيارا 2026، خالد نهرمۆ، سەرۆکێ باژێرڤانييا شێخان، د داخويانيهكا تایبەت دا بۆ سهما، زانیاری ل دۆر پڕۆسەیا دابەشکرنا پارچهيێن ئهردى ب سەر فەرمانبەران ل قهزا شێخان ئاشکرا کرن.
دبێژت: “ئەو پارچهيێن ئهردى کو بڕیارە د ئاییندەیەکێ نێزیک دا ب سەر فەرمانبەران دابەش بکەین، نۆكه دهست ب ئامادەکرنا نەخشەیێن تایبەت كرييه و قۆناغێن باش برينه ب ههماههنگى دگهل ئالييێن پهيوهنديدار.”
ديار ژى كر، نێزيكى چار ههزار پارچهيێن ئهردى ب سهر فهرمانبهرێن سنوورێ باژێرڤانييێ دا دێ ئێنه دابهش كرن.
ل 27ـی ئادارا 2024، د کۆمبوونا ئەنجوومەنێ وەزیرێن هەرێما کوردستانێ دا، ب فەرمانا مەسرور بارزانی، سەرۆکێ حكومهتا هەرێما کوردستانێ، بڕیار دا بء دابەشکرنا زڤهييان ب سەر هەموو ئەوان فەرمانبەرێن مفادار نەبووين ژ وەرگرتنا زهڤييان.
بڕیار ل 28ـی ئهیارا 2024، ل ڕۆژنامەیا وەقائیعی کوردستان هاته بهلاڤ كرن.