ناڤەندا نووچەیان – سەما
رێڤەبەرێ گشتییێ باژێرڤانییان ل پارێزگەها دهۆکێ ڕاگەهاند، بەری جەژنا قوربانێ، دێ 7 هەزار و 500 پارچە زەڤی بۆ خەلکێ شایستە و خودان مافێن ڕەزامەندی هەی ئێنە دابەش کرن.
دیار بەحری، رێڤەبەرێ گشتییێ باژێرڤانییان ل پارێزگەها دهۆکێ ڕاگەهاند، د ڤێ قۆناغێ دا پێنج هەزار پارچە زەڤی دێ ل ناحیەیا فەیدیێ و دو هەزار و 500 پارچە ل قەزا ئاکرێ ژی ئێنە دابەش کرن.
ئاماژە ب وێ چەندێ دا، پڕۆسەیا دابەشکرنا زەڤییان دێ یا بەردەوام بت، و تا نۆکە زێدەتر ژ 6 هەزار پارچە زەڤی پێشتر هاتینە دابەش کرن.
ناڤبری تەکەز ل وێ چەندێ کر، ئەڤ پێنگاڤە پشکەکە ژ بزاڤێن حکومەتێ بۆ دابینکرنا جهێ ئاکنجیبوونێ بۆ خەلکێ شایستە.