ناڤەندا نووچەیان – سەما
رێڤەبەريیا بەنداڤا دهۆكێ ئاگەهدارییەکا گرنگ بەلاڤ كر و داخواز ژ وەلاتییان كر سەلامەتیيا خۆ بپارێزن، ب تایبەتی ل دەڤەرێن بەنداڤێ.
د ڕاگههاندنێ دا هاتييه، مەلەڤانی د ناڤ ئاڤا بەنداڤێن دهۆک، خنس و کەشکان دا ب شێوەیەکى تەمام هاتیيە قەدەغە کرن، ژبەر کو مەترسییەکا مەزن ل سەر ژیانا مرۆڤی هەیە. هەروەسا بکارئينانا بەلەم و ماتۆرێن ئاڤێ (Jet Ski) د ناڤ ڤان بەنداڤان دا قەدەغەیە و چ کەسەکی مۆلەتا ڤان کاران نینە.
دوپاتكر، هەر سەرپێچییەک بەرامبەر ڤان ڕێنماییان بێتە كرن، دێ ڕێکارێن یاسایی دژی وان كهسان ئێنە وەرگرتن.
ل داويیێ، ڕێڤەبەریيا بەنداڤا دهۆكێ داخوازێ ژ خەلكێ دكەت پێگیر بن ب ڕێنماییان و بۆ پاراستنا ژیانا خۆ و كەسێن دی پابەند بن.