ناڤه‌ندا نووچه‌يان – سەما
كچا رزگاربوويا ئێزدى “سيلفانا خدر” ب جلكێن ڕه‌سه‌ن و كه‌ڤنار یێن ئێزدييان قه‌ستا په‌رستگه‌ها لالش يا پيرۆز دكه‌ت، ئه‌ڤه ژی بۆ پاراستنا داب و نه‌ريت و كه‌لتوورێ ئێزدييان، پشتى ده‌ربازبوونا 10 سالێن نه‌خۆشی و سته‌مێ ل ژێر زۆرداری و تێرۆرا ڕێكخراوا داعش يا تيرۆرى.
سيلڤانا خدر ل رۆژا 15-8-2014 ل گۆندێ كۆيۆ يا سه‌ر ب قه‌زا شنگالێ ڤه که‌ڤتبوو د ده‌ستێ تێرۆرستێن داعشێ دا، و ل ڕۆژا 5-1-2025 ب هاريكارى و پشته‌ڤانييا حوكمه‌تا هه‌رێما كوردستانێ هاته ڕزگاركرن.
ل سالا3ـى ته‌باخا 2014، بتر ژ 6 هه‌زار ئێزدى ژ كچ و ژن و زاڕۆك و زه‌لامان ل قه‌زا شنگالێ که‌ڤتنه د ده‌ستێ داعشێ دا، و ب هاريكارى و پشته‌ڤانييا حكومه‌تا هه‌رێما كوردستانێ، هه‌تا نۆكه بتر ژ سێ هه‌زار و 500 كه‌سان ژ هه‌ردو ره‌گه‌زان هاتینه ڕزگاركرن.
حكومه‌تا هه‌رێما كوردستانێ، ب سه‌رۆكاتييا مه‌سرور بارزانى، سه‌رۆكێ حكومه‌تێ، مه‌هانه مينحه‌يه‌كێ دده‌ته ڕزگاربوویێن ئێزدی، هه‌روه‌سا ده‌ليڤه‌يێن خواندنێ بۆ هه‌موو ڕزگاربوويان دابين كرينه دا كو خواندنا خۆ ل زانكۆ، په‌يمانگه‌هـ و قوتابخانێن هه‌رێما كوردستانێ به‌رده‌وام بكه‌ن.