ناڤەندا نووچەیان – سەما
رێڤهبهرييا گشتى يا كاروبارێن ئێزدييان، د پهیامهكێ دا يا (33) سالييا دامهزراندنا بنگههێ لالش پيرۆز كر.
د پهیاما ڕێڤهبهرييا گشتى يا كاروبارێن ئێزدييان دا هاتييه، دامەزراندنا ئەڤی بنگەهی وەرچەرخانەکا دیرۆکی یا گرنگ بوو ژبۆ جڤاکا ئێزدیيان ل کوردستانێ و سەرانسەری جیهانێ و هەروەكا پێنگاڤەکا پێشکەفتی و سەردەمی بوو کو ل دەمەکی گونجایی و دگەل چریسکا ئازادیا کوردستانێ دەست بکار بوویی.
دهقێ پهیامێ:
ب هەلکەفتا سیهـ و سێ سالیا دامەزراندنا قوتابخانە و بنگەهێ لالش یێ ڕەوشەنبیری و کۆمەلایەتی، گەرمترین پیرۆزباهیان ئاراستەیی تەڤان ئەندام و دەستەکێن ڕێڤەبەرێن ڤی بنگەهی دکەین.
دامەزراندنا ئەڤی بنگەهی وەرچەرخانەکا دیرۆکی یا گرنگ بوو ژبۆ جڤاکا ئێزديیان ل کوردستانێ و سەرانسەری جیهانێ و هەروەكا پێنگاڤەکا پێشکەفتی و سەردەمی بوو کو ل دەمەکی گونجایی و دگەل چریسکا ئازادیا کوردستانێ دەست بکار بوویی و ڕەوشەنبیریا وەلاتێ مە پێ ڕۆن و گەش بووی.
هیڤیدارين بنگەهێ لالش یێ بەردەوام بت د خزمەتکرنا کهلتوورێ ڕەسەنێ کوردی و گرنگیدان ب دابونەریتێن جڤاکا ئێزدی و گیانێ برایەتیێ و پێکڤەژیانێ ل ناڤ تەڤایا پێکهاتەیێن کوردستانێ.
ههروهسا د قۆناغێن داهاتی دا، ب خزمەت و بەرنامێن دەولەمەند بکەڤنە دخزمەتا بزاڤا ڕەوشەنبيرييا ئێزدیان و تەڤايا کوردستانێ دا.
سعود مستۆ نهجيم
ڕێڤهبهرێ گشتى يێ كاروبارێن ئێزدييان
11/5/2026