ناڤەندا نووچەیان – سەما
یاریدەرا مەکتەبا ڕێکخستنا پارێزگەها دهۆکێ سالڤهگهڕا دامهزراندنا بنگههێ لالش پيرۆز كر و ڕاگههاند، بنگههێ لالش بوویە چەترەکا زێڕین و ههموو پێکهاتەیێن کوردستانێ ل بن گیانێ برایەتی و تەباییێ کۆمکرینە.
د. ڤیان سلێمان، ئهنداما کۆمیتەیا ناڤەندی و یاریدەر ل مەکتەبا ڕێکخستنا پارێزگەها دهۆک يا پارتی دیموکراتی کوردستان د پهيامهكێ دا ڕاگههاند، ب ههلكهفتا سیهـ و سێ سالیيا خزمەتا بەردەوام و بێ ڕاوەستان، گەرمترین پیرۆزباهییان ئاراستەی سەرۆک و ئەندامێن دەستەیا بلند یا بنگەهێ لالش و هەمی خوشک و برایێن ئێزدی ل هەر دەرەکێ بن دکەم.
گۆتژى: د ماوێ سێ دەهکێن دەربازبووی دا، بنگههێ لالش وەک قەلایەکا سەخت بەرەڤانی ل ڕەسەنی و ناسنامەیا کهلتووری و جڤاکى یا خوشک و برایێن ئێزدی کرییە.
د. ڤیان سلێمان ئاماژه ب وێ چهندێ دا، ب کار و چالاکییێن خۆ بنگههێ لالش بوویە چەترەکا زێڕین کو هەموو پێکهاتەیێن کوردستانێ ل بن گیانێ برایەتی و تەباییێ کۆمکرینە.
ديار ژى كر، رۆلێ بنگههێ لالش د بلندکرنا ئاستێ هشیاریا جڤاکی و زانستی دا، جهێ شانازیێیە بۆ تەڤایا بزاڤا ڕەوشەنبیری ل کوردستانێ.
ههروهسا د ڤێ بیرەوەریيێ دا، ب گەشبینی هیڤیا سەرکەفتنێن مەزنتر بۆ دخوازین. ب باوەرین کو لالش هەر دەم وەک سیمبۆلێ ئاشتی و قەلغانێ پاراستنا دابونەریتێن مە یێن ڕەسەن دێ مینت.