ناڤەندا نووچەیان – سەما
ب ئامادهبوونا بابێ شێخ “شێخ عهلى شێخ ئهلياس” و کەساتیيێن ئۆلى و جڤاکی، ڕێوڕەسمێن ئاڤاکرنا (سلاڤگەها مەمێ شڤان) ل دەڤەرا شنگالێ ب ڕێڤهچۆن.
د ڕێوڕەسمان دا، کو ب ئامادەبوونا پێشيمامێ بابێ شێخ، باباچاویش و ژمارەکا بەرچاڤ ژ زهلامێن ئۆلى و سەرۆک هۆز و ماقوولێن دەڤەرێ، تهكهزى ل سەر پاراستنا ڕەسەنایەتی و پیرۆزیيێن دەڤەرێ هاتە کرن.
ئاڤاکرنا ڤێ سلاڤگەهێ ب پشتەڤانی و دەستپێشخەريیا ژمارەکا خێرخوازێن جڤاکا ئێزدی و ب پشکداریيا ڕاستەوخۆ یا هەردو هۆزێن (مسقۆرا و عەمرا) هاتیيە ئەنجامدان.
ئەڤ پێنگاڤە وەک هێمایەک بۆ گيانێ هەڤکاریيێ و گرنگیپێدانا بەردەوام ب جهێن ئۆلى و ديرۆكى ل شنگالێ دئێتە دان.