ناڤه‌ندا نووچه‌يان – سه‌ما
د. ئەلكسندرۆس ماكاریگاكیس، نوونەرێ یونسكۆ ل عێراقێ، سەره‌دانا پەرستگەها لالش يا پيرۆز كر و ل گەل كه‌ساتى و زه‌لامێن ئۆلى يێن ئێزدييان كۆم بوو.
ب گۆڕه‌يى راگه‌هاندنا رێكخراوا يونسكۆ ل عێراقێ، د ڤێ سەره‌دانێ دا، دانوستاندن ل سەر کەلەپوورێ کەلتووری یێ دەولەمەند یێ مادی و نە مادى یێ جڤاکا ئێزدی، و گرنگیيا پاراستنا ڤی کەلەپووری و ڤەگوهاستنا وى بۆ نفشێن بێت هاتە كرن.
رێكخراوا يونسكۆ ئاشكراكر: ل سالا 2020ێ، پەرستگەها لالش يا پيرۆز هاتبوو تۆمارکرن ل سەر لیستا دەستپێکی یا عێراقێ بۆ بەربژێرکرنا وێ د ناڤ لیستا کەلەپوورێ جیهانی یێ یونسکۆ دا.
پەرستگەها لالش پیرۆزترین جهێ ئۆلا ئێزدییانه، و پێگەهەکێ رۆحی و کەلتووری یێ کوور ل جه‌م ئێزدییێن جیهانێ هەیە.
