ناڤەندا نووچەیان – سەما
مەسرور بارزانی، سەرۆکێ حکومەتا هەرێما کوردستانێ ب هەلکەفتا هاتنا جەژنا پیرۆز،یا قوربانێ، گەرمترین پیرۆزباهییان ئاراستەی موسلمانێن کوردستان، عێراقێ و جیهانێ دکەت و ئۆمێدەوارە ئەڤ جەژنە ببتە مایا سەقامگیری و تەباییێ ل دەڤەرێ دا.
دەقێ پەیاما سەرۆکێ حکومەتێ:
ب هەلکەفتا هاتنا جەژنا قوربانێ یا پیرۆز، گەرمترین پیرۆزباهییان ئاراستەیی هەمی موسلمانێن هەرێما کوردستانێ و عیراقێ و جیهانێ دکەم، ب تایبەتی پیرۆزباهییێ ل پێشمەرگەیێن قەهرەمان و هێزێن ئاسایشا ناڤخۆ و کەسۆکار و مالباتێن سەربلندێن شەهیدان و ئەنفالکرییان دکەم. هیڤیدارم رۆژێن جەژنێ د ناڤ خۆشی و تەناهی و شادییێ دا ببورینن.
ئۆمێدەوارم جەژن ببتە ئەگەرێ ئاشتی و تەناهی و تەبایی و ئارامييێ ل کوردستانێ و دەڤەرێ و جیهانێ.
جەژنا هەوە پیرۆز بیت و هەر دەم د بەختەوەرییێ دا بن.
مەسرور بارزانی
سەرۆکێ حکومەتا هەرێما کوردستانێ
2026/5/26