ناڤەندا نووچەیان – سەما
ب فەرمانا سەرۆکێ حكومهتا ههرێما كوردستانێ پلە بلندكرن بۆ ژمارەیەکا ئەفسەرێن دەزگههێ ئاسایيشا هەرێما كوردستانێ دێ ئێته كرن.
سەرۆکاتییا دیوانا جڤاتا وەزیرێن هەرێما کوردستانێ ب نڤیسارەكێ، پالپشت ب فەرمانا مەسرور بارزانی، سەرۆکێ حکومەتا هەرێما کوردستانێ، بڕیار دا ب بلندكرنا پلەیا 136 ئەفسەران ل سەر میلاکێ دەزگەهێ ئاسایيشا هەرێما کوردستانێ.
ئەڤ فەرمانە كو ئیمزایا دکتۆر ئۆمێد سەباح، سەرۆکێ دیوانا جڤاتا وەزیران ل سەرە، ب ژمارە 2112 ل ڕێکكەفتی 16ـى ڤێ ههيڤێ دەرکەڤتییە و هەموو پلەیێن جیاواز ژ عەقید هەتا ملازم ڤەدگرت.
ئەڤ پلەبلندكرن ل دووڤ یاسایا ڕێژە و خانەنشینیيا هێزێن ئاسایيشا ناڤخۆ يا ژمارە 18 یا سالا 2011ێ دئێتە بجهئينان. لیستا ناڤان 136 ناڤان ب خۆ ڤهدگرت و ل دهستپێكێ ب ناڤێ ئەفسەر پۆلا ئەحمەد مەجید ڕەزا دەست پێ دکەت و ب ناڤێ ئەفسەر باوان ئەبوبەکر قادر حەمەسالهح ب داوی دئێت، کو هەموو ل ڕێڤهبهرييا گشتی یا ئاسایيشا هەولێرێ خزمەتێ دکەن.