ناڤەندا نووچەیان – سەما
سەرۆک بارزانی داخوازێ ژ ئالییێن سیاسیێن هەرێمێ دکەت، پشتی جەژنێ کۆم ببن و ڤێ چەقبەستییا سیاسی چارە بكەن و داوییێ بڤێ ڕەوشا نالەبار بینن. دبێژت: بەرژەوەندییێن بلند یێن گەلێ مە د سەر ئامانج و بەرژەوەندییێن بەرتەنگ ڕا بدانن بەرتەسك دابنێن و دەست ژ ڤان ململانێییێن بێ ئەنجام و وێ خۆخۆرییێ بەردەن.
سێ شەمبێ، 26ـی ئەیارا 2026، سەرۆک بارزانی ب هەلکەفتا هاتنا جەژنا قوربانێ، د پەیامەکێ دا پیرۆزباهی ل موسلمانان کر و چەند داخوازی ژی ڕابەری ئالییێن سیاسی یێن هەرێمێ کر.
د پەیاما سەرۆک بارزانیدا هاتییە، ب هەلكەفتا هاتنا جەژنا پیرۆزا قوربانێ، پیرۆزباهییێن خۆ ڕابهرى موسلمانێن كوردستانێ، عێراقێ و هەموو جیهانێ دكەم. پیرۆزباهییەكا تایبەت ژی ڕابهرى مالباتێن سەربلند يێن شەهیدان، پێشمەرگەیێن قارەمان و سەرجەم وەلاتییێن خۆشتڤی یێن كوردستانێ دكەم. د ڤێ بۆنەیا پیرۆز دا ژ خودایێ مەزن داخواز دكەم خێر، خۆشی و ئاسوودەییێ بۆ هەموو خەلكێ كوردستانێ و جیهانێ بینیتە دی.
هەروەسا د ڤی دەمێ هەستیار و چارەنڤیسساز دا، پەیاما من بۆ لایەن و هێزێن سیاسی یێن كوردستانێ ئەوە كۆ هەموو لایەك هزر د بەرژەوەندییێن خەلكێ كوردستانێ دا بكەن و بەرژەوەندییێن بلند یێن گەلێ مە د سەر ئارمانج و بەرژەوەندییێن بەرتەنگ دانێن، و دەست ژ وێ هەڤڕكیا بێ ئەنجام و وێ خۆخۆریيێ بەردەن ئەوا كو ماوەیەکە پرۆسەیا سیاسی یا هەرێمێ ژ دەست دنالینت. داخواز دكەم ل پشتى جەژنا پیرۆز يا قوربانێ، لایەنێن سیاسی یێن هەرێمێ ب دلسۆزی و هەستێ نیشتیمانپەروەريیێ ڤە پێكڤە كۆم ببن و وێ ئاسێبوونا سیاسی چارەسەر بكەن و دوماهییێ ب ڤی بارودۆخێ نەهەموارێ سیاسی بینن. ئەڤە ئەركەكێ وژدانی، نەتەوەیی و نیشتیمانییە و پێدڤییە هەموو لایەك ب هەستێ بەرپرسیاريیێ ڤە سەرەدەریيێ د گەل دا بكەن و بزڤرنە سەر ڕێكا ڕاست.
هیڤیدارم ئەڤ جەژنە ببتە دەستپێكەك بۆ باشتربوونا بارودۆخێ هەرێما كوردستانێ و دەربازبوونا كێشەیێن سیاسی و هەروەسا بەرقەراربوونا ئاشتی، ئارامی و سەقامگیریيێ د دەڤەرا مە و سەرانسەری جیهانێ دا.
جەژنا وە پیرۆز بیت و هەر دەم د خۆشی و سلامەتیێ دا بن.
مەسعوود بارزانی
26ی گولانا 2026