سهما
ب ئامادەبوونا هژمارەکا مەزن ژ بەرپرس و نونەرێن دامودەزگەهێن میری و یهكهیێن ئیدارى یێن قهزایێن سێمێل و ناحیەیا فهیدێ و پارێزگهها دهوك، كهسایەتى و ریهسپی و رهوشهنبیر و مامۆستایێن دهڤهرێ و خۆجهێن شاریا و ئاوارهیێن شنگالێ و گهنج و كچ و ژنێن ئێزدى و رزگاربوویێن دهستێ داعش ب ههموو تهمهن و ههردوو رهگهزانڤه.
ل رێککەفتی 12/5/2026 رۆژا سێشەمبێ ل باخچێ شاریا مۆل ڤیستهڤالا شاریا یا كهلتوور و پێكڤهژیانێ ل شاریا لسهر ئاستهكى جهماوهرییێ مهزن و رێكخستى ژ لایێ بنگههێ لالش تایێ شاریا و ل ژێر چاڤدێرییا دەستەیا بلندا بنگەهێ لالش يێ رەوشەنبيری و كۆمەلایهتی و بەشدارییا باخچەیێ شاریا یێ زاۆکان و گرۆپێ موزیکێ یێ ئەزدا ل سنوورێ كۆمهلگهها شاریا ل ژێر درۆشمێ کەلتوور ناسنامەیا گەلانە ڤیستهڤال هاتە ساز کرن.
پەیڤا بخێرهاتنێ ژ ئالیێ “دلگەش سەلیم” بەرپرسێ بنگەهێ لالش ل شاریا ڤە هاتە پێشکێشکرن کو تێدا بخێرهاتنا هەموو مێهڤانان کر و ڕۆناهی دا گرنگییا ڤێ ڤیستەڤالێ و برگەیێن وێ، پاشی پەیڤەک ژ ئالیێ بەڕێز”سەعید جردۆ” سەرۆکێ دەستەیا بلندا بنگەهێ لالش یێ رەوشەنبیری و کۆمەلایەتی هاتە پێشکێشکرن کو تێدا پشتەڤانییا خۆ بۆ بنگەهێ لالش بۆ هەموو جۆرە چالاکی و ڤیستەڤالا دا دیار کرن، پاشی پەیڤەک ژ ئالییێ بەڕێز”دژوار شەوکەت” قایمقامێ قەزا سێمێلێ و نونەرێ پارێزگارێ دهۆکێ ڤە هاتە پێشکێش کرن کو تێدا بەحسێ گرنگییا ڤیستەڤالێن کەلتووری هاتە کرن و فلکلۆر و کەلتوورێ ئێزدییان ب گرنگی وەسف کر، د ڤێ ڤیستەڤالێ دا چهندین پێشانگههـ و برگەیێن جودا یێن گرێداى ب كهلتوور و چاند و پێكڤهژیانا ئێزدییان دانە بهرچاڤ كرن، ئهوێن ب درێژیا دیرۆكێ ب رێیا باب و كالان و نفشێن ل دووڤ ئێك بۆمه ماین و هاتینه پاراستن، ئهڤ ڤیستهڤاله بزاڤهكه بۆ پتر خورتكرنا گیانێ لێبۆرینێ و پێكڤهژیان و براتیێ دناڤبهرا جڤاكا ئێزدى ب تایبهت و جڤاكا كوردى ب گشتى دا ، و شیان و بههرهیێن زارۆك و گهنج و ئافرهتا ئێزدى ددهته دیاركرن بۆ درێژهپێدانا كهلتۆرێ پێكڤهژیانێ و هیڤییهكێ ددهته نفشێن داهاتى بۆ مانا ئهوى كهلتۆرى ژ چالاکییێن سەرەکی یێن فێستیڤال ب گشتی چەندین تەوەرێن جودا یێن کەلتوری بخۆڤە دگریت:
ذ وانا برگەیا مۆزیکێ ژ ئالییێ گرۆپێ ئەزدا مۆزیک، پێشانگەها کتێبان، برگەیەکا فۆلکلۆری ژ ئالییێ زارۆکێن باخچەیێ شاریا، نمایشکرنا تابلۆیان ژ ئالییێ بەهارا هیڤییان و گەلەک برگەیێن دی یێن جوان.
جلك و بەرگێن ئێزیدی و ئێک ژ جوانترین بەشێن فێستیڤالێ، نیشاندانا جلكێن رەسەن یێن مێهڤان و پشکدارانە، کو ب رەنگینی و دیزاینێن خۆ یێن تایبەت دهێنە نیاسین و پێشانگەها کارێن دەستی كو دەست رەنگینیا کچ و ژنێن دەڤەرێ بوو كو چنیار و چنین و دروستکرنا کەرەستێن نافمالێ یێن کۆن وێنەکێشان کو باس ل مێژوو و ئێش و ئازارێن ئيزديان دکەن و دفێستیڤالێ دا گۆشەیەکا تایبەت بۆ خوارنێن کوردەواری دهێتە تەرخانکرن کو پتر ژ 35 کچ و ژنێن کۆمەلگەهێ بةشداربوون، وەک (کفتە، كوتل و كوتل دهو و بريانى و ئاپراخ و سمات و ساڤارا ب کەنگر و مێرهە و مقلوبی و دەهنۆکێن بۆک و زاڤا و نۆک و و باقلک و نیسک و کشام و کۆتل سماق و دەوین و شیر و ماست……هتد) کو ژ لایێ ژنێن دەستڕەنگین یێن شاریا ڤە هاتبوون ئامادەکرن.
پشتی وێ نەهامەتیا ب سەرێ خەلکێ شنگال و دەڤەرێن ئێزیدیان هاتی، ئەڤ فێستیڤالە ل شاریا وەک سیمبۆلێ ژیانێ دهێتە دیتن. ئەڤە نیشان ددەت کو کەلتور و ئایین و زمانێ ڤی گەلی یێ بەردەوامە و چو جاران ژناڤ ناچیت.
ئارمانج فێستیڤالى پاراستنا کەلتوری و زیندوکرنەڤەیا داب و نەریتێن کهڤن یێن کو مەترسیا بەرزەبوونێ ل سەر هەیە ساخكرنا كهلتۆرێ جڤاكا ئێزدى و دیاركرنا جوانى و كهڤناریا كهلتۆرێ ئێزدى بوو برێكا نمایشكرنا وێنهیێن فۆتۆگرافی و فلكلۆرى، جلوبهرگ، خوارن، ئالاڤێن جوتیاریێ و خوارنێ، یاریێن كهڤن.
پێگۆهۆڕینا کەلتوری دروستکرنا دەلیڤەیەکێ بۆ تێکەلیا جڤاکی و بهێزکرنا پەیوەندیێن دناڤبەرا خەلکێ دەڤەرێ و مێڤانان دا گرێدانا نفشێن نوو و داهاتى ب كهلتور و دیرۆكا باب و كالانڤه. و دیاركرنا رۆلێ ئافرهتا ئێزدى درێڤهبرنا خێزانێ دا و هاریكاریا وێ دپاراستنا كهلتۆرێ جڤاكا ئێزدى دا، خورتكرنا پهیوهندیان دناڤبهرا رێكخراوێن ل دهڤهرێ كار دكهن بۆ بتر خزمهتكرنێ و ههماهەنگیێ و هەر دیسان بهرچاڤكرنا كار و خزمهتێن رێكخراوێن جڤاكا مهدهنى ل شاریا پێشكێشى ئاواره و خۆجهێن دهڤهرێ دكهن .
بڕێڤەبرنا پەنەلی ڤیستەڤالێ ژ لایێ راگەهاندکار (جەمیلا حازم)
