ناڤهندا نووچهيان – سهما
ژمارهكا گولە تۆپێن 120 ملم يێن پاشماوهيێن شهڕى ل پارکا دهۆکێ یا مەزن ل دەڤەرا ئالۆکا هاتنه ديتن.
رێڤەبەریيا گشتی یا کاروبارێن مين و تەقەمەنیيان ل پارێزگەها دهوکێ ڕاگههاند، تیمێ میکانیکەل دگەل تیمێ ژناڤبرنا مین و تەقەمەنیان(EOD) ب هەڤکاری دگەل بەشێ دلنیای جۆری(QA) و بهشێ ڕاهێنانێ، د هەوهكا پشکنینێ دا ب حەفارا تایبەت، كارين 49گولە تۆپێن 120 ملم یێن پاشماوهيێن شەڕی دگەل پێنچ ڤیوزێن( UXO) ل پارکا دهۆکێ یا مەزن ل دەڤەرا ئالۆکا ببينن، کو مەزنترین پارک ل ڤى جهى دێ ئێتە دورستكرن.
ڕێڤەبەریيا گشتی یا کاروبارێن مين و تەقەمەنیيان دبێژت: پشتی هاتینە ئاگەهدارکرن ژلایێ کۆمپانیيا(North Light) ڤه، مێژويیا ڤان پاشماوهيێن شەڕا ڤەدگەڕت بۆ سەردەمێ ڕژێما عێراقێ یا ژناڤچۆیى، پاشان ژ لایێ تیمێن ڕێڤەبەریيێ ڤە هاتنە ڤەگوهاستن بۆ مەرەما ژناڤبرنێ ب شێوازەکێ ئارام و زانستی.
ئاماژه ب وێ چهندێ دا، ژ پێخەمەت سلامەتیيا خۆ، ل دەمێ دیتنا هەر تشتەکێ گۆماناوی ئێکسەر پەیوەندیيێ ب هێلا گەرم یا ژمارە (182) بکەن.