ناڤەندا نووچەیان – سەما
رێڤهبهرێ كۆچ و كۆچبهرێن دهۆكێ ل پارێزگهها دهۆكێ دبێژت: ل نێزيك دهست ب گوهۆڕینا خیڤهتێن ئاوارهيێن شنگالێ ل كهمپان دێ كهن.
هێشتا نێزيكى 280 ههزار ئاوارهيێن شنگالێ ل ناڤا كهمپاندا ل سنوورێ پارێزگهها دهۆكێ و ئيدارهيا سهربهخۆيا زاخۆ ماينه و نهڤهگهڕياينه دهڤهرێن خۆ.
پير دهيان جهعفهر، ڕێڤهبهرێ كۆچ و كۆچبهرێن دهۆكێ ل پارێزگهها دهۆكێ، بۆ سهما دياركر، خيڤهتێن ئاوارهيێن شنگالێ ل كهمپان كهڤن بووينه، ل نێزيك دێ دهست ب گوهۆڕينا وان خيڤهتان كهين یێن وهزارهتا كۆچ و كۆچبهرێن عیراقێ ئاڤاكرین، ژبهركو ههر كهمپهك دیزاینهكه، زێدهبارهى ئهو خيڤهتێن ڕێكخراوا (UNSR) ئاڤاكرین دێ بزاڤێ كهين ئهوانژى ب گوهۆڕين.
گۆتژى: د ههموو بیاڤان دا خزمهتا ئاوارهيان دكهین، ژبهركو حكومهتا عێراقێ هاریكاریا ئاواران ناكهت و هاریكاریێن رێكخراوان ژی كێم بووینه.
دهربارهى هاريكاريێن حكومهتا ههرێما كوردستانێ بۆ ئاوارهيان، پير دهيان جهعفهر دبێژت: ئهڤه سێ ساڵن حكومهتا ههرێمێ هاریكاریا ئاواران دكهت، كو ب كارێ پێنج سێكتهران ڕادبت ئهو ژى، ڕاكرنا گلێشی، كهرتێن ساخلهمی، پهروهرده، كارهبێ و سهخبێكرنا ئاڤێ يه.
ل 3ى تهباخا ساڵا 2014، ڕێکخراوا داعش يا تيرۆرستى هێرشی سەر شنگالێ و دەوروبەران كر، كو بوو ئهگهرێ كوشتن، هندابوون و ڕهڤاندنا ب هزاران كچ و ژن و زارۆك و زهلامێن ئێزدی، زێدهبارى ههرفاندنا زۆربهیا ژێرخانا شنگال و تاڵانكرن ودزینا ملك ومال وههرفاندنا مهزارگههێن ئێزدیان و مالێن خهڵكێ.
ژ ئهنجامێ هێرشا داعش بۆ سهر شنگالێ و بۆ ڕزگاركرنا گيانێ خۆ داكو نهكهڤنه د دهستێ تيرۆرستان دا، ب هزاران ئێزدى ئاوارهبوون و قهستا دهڤهرێن ئارامێن ههرێما كوردستانێ كرن.
سهربارى دهربازبوونا يازده ساڵان ل سهر جينۆسايدا ئێزديان ل شنگالێ، هێشتا پتريا خهڵكێ شنگالێ ئاوارهنه و ل ناڤا كهمپاندا ژيانا خۆ دهرباز دكهن و چاڤهڕێ نه ڕهوشا شنگالێ ئاسايى ببت و ڤهگهڕنه سهر جهـ و وارێن خۆ ڤه.