سه‌ما
چار ساله قوتابخانه‌يه‌كا ئۆلى بۆ په‌روه‌رده‌كرنا زارۆكێن ئێزديان ل گوندێ به‌حزانێ ل ناحيا باشيكێ هاتيه ڤه‌كرن.
قه‌وال قائد قه‌وال رزگان، مامۆستايێ ئۆلى ل قوتابخانا به‌حزانێ يا ئاينى و په‌روه‌رده و فێركرنێ بۆ سه‌ما دبێژت: ماوێ چار سالانه قوتابخانه بۆ زارۆكێن ئێزدى هاتيه ڤه‌كرن و هه‌ر سال پتر ژ 200 قوتابيان وه‌ردگرت، ڕۆژانه وانه‌يێن ئۆلى ل دۆر داب و نه‌ريت و رێزگرتنا ئاين و مه‌زهه‌بان و زانياريان ده‌رباره‌ى خاس و چاكێن ئێزديان و ئامۆژگاريان پێشكێشى قوتابيان دكه‌ين، داكو جيهان بزانت ئێزدياتى ئه‌ڤه‌يه و رێزێ ل هه‌موويان دگرن.
ئاماژه ب وێ چه‌ندێ دا، ب شێوێ دوو قۆناغان ده‌وام ل سبێ و ئێڤاريان ل قوتابخانێ دئێته كرن، ژلايێ وى و شێخ لاوان شێخ عه‌تۆ مامۆستايێ ئۆلى ڤه وانه دئێنه گۆتن، هه‌روه‌سا باوه‌رنامێن ده‌رچوونێ ژى ب قوتابيان دئێنه دان.
ناڤهاتى گۆت ژى: داخوازێ ل هه‌موو لايه‌نێن په‌يوه‌نديدار و خێرخوازان دكه‌ين پتر پشته‌ڤانيێ ل ڤێ قوتابخانێ بكه‌ن.