ناڤەندا نووچەیان- سەما
سەرۆک بارزانی د پەیامەکێ دا بەرسڤا ئەوان لایەنان دا کو د ڤی بارودۆخێ سیاسی دا “لێکدانێن شاش” بۆ چەکێ پێشمەرگەیی دکەن و تەکەز کر کو پێشمەرگە و چەکێ وی پشکەکا ڤەنەقەتیایی نە ژ دیرۆک و قوربانیدانا گەلێ کوردستانێ و نابت وەک ب تنێ کەرەستەیەکێ سەربازی و ئامرازێ شەڕی تەماشە بکەن.
چارشەمبێ 3ـی حوزەیرانا 2026، سەرۆک بارزانی، ل هەژمارا خۆ یا فەرمی ل تۆڕا کۆمەلایەتی یا “ئێکس” پەیامەک بەلاڤ کر و تێدا ئاماژە ب هندێ کر ژ بەر بارودۆخی سیاسی ب تایبەتی نهۆ، هندەک ئالی بەحس ل چەکێ پێشمەرگەیی دکەن و لێکدانێن شاش و بۆچۆنێن نە دورست دیار دکەن.
سەرۆک بارزانی د پەیاما خۆ دا وەک بەرسڤەک بۆ ئەوان دەنگۆیان گۆت: “پێدڤییە هەموو لایەک ل بیرا خۆ بینن کو پێشمەرگە ژدایکبوویێ خوون، رەنج و ڕۆندکێن گەلێ کوردستانێ یە.”
هەروەسا ڕاگەهاند: “چەکێ پێشمەرگەیی، ب تنێ پارچەئاسن و جبەخانە و ئامرازێ شەڕکرنێ نینە، بەلکو چەکی پێشمەرگەیی دیرۆک، فیداکاری، کەرامەت و بیروباوەرا وی یە.”
سەرۆک بارزانی ئاماژە ب وێ چەندێ کر، ئەو چەکێ پێشمەرگەیی ئەو سۆز و پێگیرییە یا هەردەم بۆ گەل، ئاخ و نیشتیمانێ خۆ هەیی.