ناڤەندا نووچەیان – سەما
جڤاتا ئێزدييێن سووريێ دخوازت حكومهتا نوو يا سووريێ ڕێزێ ل ماف و ناسنامهيا ئێزدييان بگرت و مافێن وان وهكو ههموو پێكهاتهيێن دى دابين بكهت.
پێنج شهمبێ، 4ـى حوزهيرانا 2026، كندال رهمۆ، ئهندامێ جڤاتا ئێزدييێن سووريێ بۆ سهما گۆت: ئێزدى ژ ههموو پێكهاتهيێن دى يێن ئۆلى بتر تووشى زولم، پشتگوهـ هاڤێتن و بێ بههربوون ژ مافێن خۆ بووينه، دهم هاتييه ئهڤ زولمه ل سهر ئێزدييان نهمينت.
ئهندامێ جڤاتا ئێزدييێن سووريێ ئاشكراكر: “چهندين جاران داخوازييێن خۆ پێشكێشى حكومهتا دهمكى يا سووريێ كرينه، لێ بێ بهرسڤ بووينه و گرنگى ب مافێن ئێزدييان نهداينه.”
كندال رهمۆ بهحس ل وێ يهكێ ژى كر، ژ حكومهتا ههرێما كوردستانێ و ههروهسا لايەنێن كوردى يێن سووريێ دخوازين فشارێ ل سهر حكومهتا سووريێ بكهن داكو مافێن ئێزدييان بناسينت و بپارێزت.
ئێزدى ب سهر دهڤهرێن جودا يێن ڕۆژئاڤايێ كوردستانێ دا دابهش بووينه و پشتى شهڕێ سووريێ ل سالا 2011 و هێرشێن داعش، ههزاران ئێزدى كۆچبهر بوون و ژمارهيا ئێزدييان ل ڕۆژئاڤا ب شێوهيهكى بهرچاڤ كێم بوويه.