ناڤەندا نووچەیان – سەما
خالد سهيدۆ، نوونهرێ كۆتايا ئێزدييان ل پهرلهمانێ عێراقێ ڕاگههاند، فەرمانگەها نۆشداریا داد ل بهغدا بهرههڤييا خۆ نيشان دايه بۆ ڤهكرنا ههموو گۆڕێن بكۆم يێن قوربانييێن ئێزدييان.
لدووڤ ئاماران نێزيكى 95 گۆڕێن بكۆم يێن قوربانييێن ئێزدى ل سهر دهستێ تيرۆرستێن داعشێ ل شنگالێ هاتينه ديتن و ژ سهرجهمێ وان 74 گۆڕ هاتينه هلدان، ههروهسا 857 ڕوفات ژ گۆڕان هاتينه دهرئێخستن.
نوونهرێ كۆتايا ئێزدييان ل پهرمانێ عێراقێ دياركر، پشتى سهرهدانا فەرمانگەها نۆشداریا داد ل بهغدا كرى، زهيد عهباس، ڕێڤهبهرێ فهرمانگههێ بهرههڤييا خۆ نيشان دا بۆ ههمانگييێ ل گهل ئالييێن پهيوهنديدار، ژ پێخەمەت دەستپێکرنا پرۆسەیا ڤەکرنا هەموو گۆڕێن بکۆم یێن ماین ل شنگالێ.
دهربارهى نه ڤهكرنا گۆڕێن خانهسۆرێ و مهزارگههێ شهرفهدين، گۆت: پێدڤييه ڕێکارێن یاسایی بێنه بجهئينان، داكو ئهو گۆڕ د نێزيكترين دهم دا بێنه ڤهكرن.
پشتی دهربازبوونا نێزيكى 12 سالان ب سەر جینۆسایدا ئێزدييان دا، هێشتا بتر ژ 270 ههزار ئاوارە د ناڤ 15 کەمپان دا ل سنوورێ پارێزگهها دهۆكێ و ئيدارهيا سهربهخۆ يا زاخۆ ماینە. ئەو هیڤيخوازن ئەڤ ژیانا تژی خەم و کۆڤان یا بن چادران ب داوی بێت و جارەکا دی بزڤڕنەڤە بۆ شنگالێ.