ناڤەندا نووچەیان – سەما
خالد سەیدۆ، نوونەرێ کۆتایا ئێزدییان د دیدارەکێ دا ل گەل جوشوا هاریس، بالیۆزێ ئەمریکا ل عێراقێ، داخوازا پشتەڤانییا زێدەتر یا ئەمریکا بۆ ئێزدییان کر.
نڤیسینگەها ڕاگەهاندنا خالد سەیدۆ، نوونەرێ کۆتایا ئێزدییان ل پەرلەمانێ عێراقێ ڕاگەهاند، د دیدارەکێ دا ل گەل کارپێکەرێ کارێن بالیۆزخانا ئەمریکا ل عێراقێ، جوشوا هاریس، پەرلەمانتار خالد سیدۆ داخواز ژ هنارتییا ئەمریکی ل عێراقێ کر پشتەڤانییا خۆ بۆ پێکهاتەیا ئێزدییان د چەندین کەیسێن گرنگ دا زێدەتر بکەن، ژوانژی کەیسا ئاوارەیان و قەرەبووکرنێ، شایستەیێن پێکهاتەیا ئێزدییان د حکومەتا نهۆ دا، ڕوفات و گۆرێن بکۆم و ڕەڤاندییان.
هەروەسا خواست کەیسا ئاڤەدانکرنا شنگالێ دووربت ژ هەڤرکییێن سیاسی و دوپاتی ل نەهێلانا گۆتارێن کەرب و کینێ و ئارمانجکرنا پێکهاتەیان کر.
ژ ئالییێ خۆ ڤە، جوشوا هاریس پێشوازی ل وان داخوازیان کر یێن کو ژ لایێ پەرلەمانتاری ڤە هاتینە پێشکێشکرن و دوپات کر کو ئەڤە داخوازییێن ڕاستەقینە یێن کچ و کوڕێن پێکهاتەیا ئێزدییان نە، و دیار کر کو ئەڤ کەیسە دێ د ناڤ کارێن بلەز و پێشەنگیێن بالیۆزخانێ دا بن د قۆناغا بێت دا.