ناڤهندا نووچهيان – سهما
ئيرۆ چارشەمبێ،17-6-2026، ل دیوانا ڕێڤەبەرایەتییا گشتی یا وەرزشێ ل ههرێما كوردستانێ، سەردار ئیسماعیل، ڕێڤەبەرێ گشتی يێ وەرزشێ، پێشوازی ل قههرهمانێ جیهانی (بادین حەسۆ) کر.
بادین حهسۆ، قههرهمانێ ئێزدى بۆكسڤانهكێ خودان شیانه، ل داوى یارییا خۆ دا، د قههرهمانييهكا مەزن دا ل ئۆبەرهاوسنا ئەلمانیا ب ناڤێ دەبلیو بی سی (WBC)، كارى سەرکەفتنێ تۆمار بکەت و ژ قههرهمانێ مەکسیکی ڤیکتۆر ڤێسێنتنی ببهت.
د ڤێ دیدارێ دا، ڕێڤەبەرێ گشتى يێ وەرزشێ، زێدەباری پێشوازییا گەرم و پیرۆزباهییێ ل ڤی قههرهمانێ کورد، ڕاگەهاند، بادین ب باشترین شێوە ب جلك و ئالایێ کوردستانێ ڤە دهردكهڤت و نوونەرایەتییەکا جوان بۆ کوردستانێ دکەت و ب سرودا نیشتمانی (ئەی ڕەقیب) دئێتە د ناڤ یاریگەهێ دا.
هەر د دیدارێ دا، سەردار ئیسماعیل ئاماژە ب هندێ ژی کر، بادین ب لڤین و هێز و قارهمانييا خۆ، كارى سەرهنجا جیهانێ بۆ لایێ خۆ ڕاکێشت و د یارییا بۆکسنكێ دا ناڤودەنگییەکا مەزن ب دەست ڤە بینت، ژبەر هندێ هیڤييا سەرکەفتنێ بۆ دخوازین و دێ هەردهم پشتەڤان و هاریکارێ وی بین.
بادین حەسۆ د دیدارێ دا، خۆشحالییا خۆ ب ڤێ پێشوازی، هاریکاری و پشتەڤانییا سەرکردایەتی و بەرپرسێن وەرزشێ و وەرزشڤانێن هەرێما کوردستانێ دەربڕی و ڕاگەهاند، کو ل دەستپێکا هەیڤا بێت دا، یارییەکا ب هێز دێ ئەنجام دەت، کو ب سەرکەفتنا وی د وێ یارییێ دا، دێ پێنگاڤەکا مەزن بەر ب پلەیێن پێشڤه یێن ڕێزبەندیيا جیهانی هاڤێژت.