ناڤەندا نووچەیان – سەما
سەرۆکوەزیرێن عێراقێ د چاڤپێکەفتنەکا تەلەڤزیۆنی دا چەندین پرسێن هەستیار یێن تایبەت ب ڤەکێشانا هێزێن ئەمریکا، ئابۆری، نەفت و کۆنترۆلکرنا چەکێ گرووپان ئاشکرا دکەت و تەكەزییێ ل سەر دەستپێکرنا قووناغەکا نوو یا ئاڤەدانکرنێ دکەت.
عەلی فالح زەیدی، سەرۆکوەزیرێن عێراقێ د چاڤپێکەفتنەکێ دا دگەل تۆڕا “سکای نیوز” ڕاگەهاند کو سەرەدانا وان بۆ واشنتۆن ب تنێ سەرەدانەکا پرۆتۆکۆلی نابیت، بەلکو ڕاگەهاندنا قووناغەکا نوو یا هەڤپشکیێ یە دگەل ئەمریکا ل سەر بنەمایێ بەرژەوەندییا هەڤپشک و ڕێزگرتنا ل هەڤدو.
زەیدی ئاشکرا کر: ل هەیڤا ئیلۆنا بهێت، هێزێن هەڤپەیمانییا نێڤدەولەتی دێ دووماهییێ ب ئەرکێ خۆ یێ شەڕکرنێ ئینن و ب ئێکجاری عێراقێ بجهـهێلن، د بەرانبەر دا بەغدا دڤێت هەبوونا ئەمریکا ب ڕێیا هەڤپشکییا ئابۆری و وەبەرهێنانێ بیت، بۆ ڤێ مەرەمێ ژی ڕێنمایی هاتینە دان بۆ وەزارەتێن نەفت، کارەبا و پەیوەندییان دا کو ئەولەوییەتێ بدەنە کۆمپانییێن باوەرپێکری یێن ئەمریکی.