چلە چی یە؟
چلە د ئایینێ ئێزدیان دا ماوەیێ 40 رۆژی یە یێ خۆنەدان و رۆژیگرتنێ.
1. خۆنەدان ژ خوارن و ڤەخوارنێ – ل رۆژێ مرۆڤ خۆ دگریت هەتا ئێڤارێ.
2. خۆنەدان ژ ئاخفتنێن خراب، توڕەبوون و شەڕی.
3. خۆنەدان ژ خوشیێن لەشی – وەک شهوەت، خۆ دیارکرن، زێدە خەو.
4. خۆنەدان ژ مال و دنیایێ – بۆ ماوەیەکێ مرۆڤ دلێ خۆ ددەتە خودێ، نەک بۆ تشتێن مادی.
رۆژیگرتن:
ل (چلێ هاڤینێ) هەر سال ئێزدی (40) ل رۆژی دگرن و ب رۆژی دبن ئەڤ رۆژی نە فەرزە ل سەر هەمی ئێزدیان، بەلکو فەرزە ل سەر رێبەرێن ئایینی: بابە شێخ، ئەندامێن چڤاتا رۆحانی ، خلمەتکار و شکەستین مالا شیخادی و هەر چلەگرەکی هەبیت.
• خەلکێ ئاسایی ب دلخوازی دگرن، وەکی خێر و ئیرادەیەک بۆ نێزیکبوونا خودێ و پاقژکرنا گیان، و هندەک باوەر دکن کو پاداشتا وێ د رۆژا قیامەتێ دا هەیە، ئەڤ چلە ب ناڤێ “چلێن گەرمترین رۆژێن هاڤینێ” دهێتە نیاسین، چونکی دگەل بلندترین پلێن گەرما و دوماهیا وەرزێ دروینێ دا گرێدایە. پشتی ڤێ چلێ، هەوا هێدی هێدی فێنک دبیت و شەڤ درێژتر لێ دکەت.
دو چلە هەنە:
هەردو ب وەرزان ڤە گرێدای نە:
1. چلێ هاڤینێ (Çileyě Havînê)
• دەستپێک: 24ی حزیرانێ
• دوماهی: 2ی تەباخێ
• جەژن: ل 2ی تەباخێ ل لالشا نورانی دهێتە پێروزکرن. ب هزاران ئێزدی بەشداری دکن و ئەو رۆژ وەک رۆژا لێبۆرینا گونەهان دهێتە هژمارتن.
2. چلێ زڤستانێ (Çileyě Zivistanê)
• دەستپێک: 25ی کانوونا ئێکێ
• دوماهی: 1ی سباتێ
• جەژن: ل 2ی سباتێ ل لالش دهێتە گێران ب چراڤەکرن، سەما و قەولان.
“چلەیا هاڤینێ وەکی دەمەکێ نویبوون و پاقژبوونێ دهێتە دیتن. رۆژیگر نە تەنیا خوە ژ خارنێ دگریت، بەلکو خوە ژ گونەهان و فکرێن خراب ژی پاقژ دکەت، دا گیانێ وی وەکی ئەردێ پشتی دروینێ بهێتە ئامادەکرن بۆ ژیانەکا نوی.
جەژن:
جەژنا چلێ هاڤینێ پشتی 40 رۆژان ل رۆژا داوێ دهێتە گێران. ئەڤ جەژن ئێکە ژ جەژنێن سەرەکی یێن لالشێ، وەک جەژنا چلێ زڤستانێ و جەژنا جەمایی. جەژن سێ رۆژان دئێتە گێران ژ 31ی تەممووزێ هەتا 2ی تەباخێ. ئختیارێ مەرگەهێ، جڤاتا روحانی، دەروێش، شکەستە و زانایێن ئایینی هەمی ئامادە دبن. ئەوێن رۆژی گرتی ل ئێڤارا رۆژا ئێکێ قەستا لالشێ دکن و هندەک ئاخ ژ چلەخانێ وەک بەرەکەت دگەل خۆ هەلدگرن.
چلەخانە :جهێ پەروەستەبوون و ڕۆژیگرتنێ یە، کو تێدا بابێ شێخ و جڤاتا وی، بابێ پێشیمام، زەلامێن ئۆلی ل چلەخانێ دا ب ڕۆژی دبن، د میتۆلۆژیا ئێزدی دا، شیخادی گیانێ من گوری 40 رۆژ و شەڤ د شکهفتا چلێ (چلخانە) ل لالشێ ب رۆژی مایە، و ژ بەر هندێ چلەگر هێشتا دچنە وێ شکهفتێ و 40 رۆژان دمینن
چما 40؟
• ژمارا 40 ل نک ئێزدیان پیروزە: د شینێ دا، د زارۆکبوونێ دا، و د هەردوو چلەیێن هاڤین و زڤستانێ دا دهێت.
~ ~ ~ ~
چلەگر کی یە؟
چلەگر ئەو کەسە یێ بۆ ماوەی 20 سالان بێ نەبرین هەردو چلە – هاڤینێ و زڤستانێ – ب تەمامی دگریت. ئەو نە ب زۆرێ، بەلکو ب دلخۆشی و ئیرادە خۆ ددەتە خودێ.
چلەگر سێ پایێن سەرەکی دپارێزیت:
1. خۆ ڤەقەتاندن ژ خوارن و ڤەخوارنێ – ل رۆژێ خۆ دگریت هەتا ئێڤارێ.
2. خۆ دویرخستن ژ خوشیێن دنیایێ – گۆتنێن خراب، نەحەقی، شهوەت، لۆمە و غەیبەت.
3. خۆ پێشکێشکرن بۆ خودێ و تاوسی مەلەک ب رێیا خێرخوازی و لاڤا، گۆتنا قەولان، خزمەتکرنا رێیا شێخادی و خزمەتا راست یا لالشا نورانی.
ئانکو ئەوێ 20 سال خۆنەدان و خۆدان کری، فەرزێ خۆ ل بەرانبەر خودێ ب جه ئینایە و د ناڤ جڤاتا ئێزدیان دا ب رێزەکا بلند دهێتە ناسین.
ژ ئەدەبێ ئایینێ ئێزدیان:
مەلەک فەخرەدین دەنگ هەلتی نە
هنجیێ خاترا من تێ ببینە
دلێ چلەگرا نا ئێشینە
چلەگر ب رۆژینە
فەرزێن خۆ ب جه تینن
ئەون جندیێن سلطانینە
ب شەڤ و رۆژ ب رۆژینە
ئەوان فتار نینە
ئەو جندیێن سلطان ئێزی نه
سەردەری و دیندارێن رێورەسمان دگێرن فەرە ب شەڤەكێ بەری گێرانا رێورەسمان ئامادەبن،.
رۆژا ئێکێ ژ ڕۆژییێن چلەیێ هاڤینێ ل 24ی خزیرانێ دەست پێ دکەت، کو تێدا بابێ شێخ و جۆقەتا خۆ و زەلامێن ئۆلی دچنە ناڤ چلهخانەیێ دا، ئەو جهێ کو هاتییە تەرخان کرن بۆ پەرستن و ڕۆژیگرتنێ د ناڤ پەرستگەها لالش یا نوورانی دا.
بڤی ئاوایی رێورەسمێن چەژ نێ دئێنە گێران:
١- ئێزدی قەستا پەرستگەها پیرۆزا لالش دكن گەرەكا د سەر پرا سەلاتێرا دەربازبت و بچتە سەر حەودا كانیا سپی و دەست و چاڤێن خۆ پێ پاك بكت.
٢-هەر ئێزدیەكی بچتە لالشا نوورانی دڤێت كانیا سپی و دەریێ قاپیێ و زمزمێ و سندروكا شیخادی و بەرێ شباكێ و نیشانگەها شێخ فەخر ئختیارێ مەرگەهێ و مەزارگەهێن شێشمس و شێخ و پیرێن خۆ و ل مەزار و نیشانگەهێن خاسا زیارەتی دبن،
٣-ل هەموو هێڤاران سەما …
[7:30 ص، 2026/6/24] +964 750 468 7925: خون و ڤەگەرێن .
ژێدەر:
• پەرتووکێن پەروەردا ئێزدیاتیێ
• مجێور پیر سەعید پیر بیبۆ
• زانایێ ئولا ئێزدیاتیێ پیر خەلات ئەلیاس
• ژ نڤیسینێن ماموستا شرو ابراهیم