سهما
د دیدارهكا تایبهت دا ل سهر شاشهیا سهما تیڤی، رۆژنامهڤان و شۆڕهشگێڕێ بواری ڕاگههاندنێ “ملەت عسمەت” ل دۆر كارتێكرن، مهترسی و ئاڕاستهكرنا ڕای گشتی ب ڕێیا پلاتفۆڕمێن سۆشیاڵ میدیایێ ئاخفت.
ملەت عسمەت ئاماژه ب هندێ كر كو سۆشیال میدیا د نۆكه دا نه بتنێ ئامرازهكێ پهیوهندیێ یه، بهلكو بوویه هێزهكا كاریگهر كو دكارت د دهمهكێ كورت دا هزر و بۆچۆنێن خهلكی ل دۆر بابهتێن جودا یێن سیاسی، جڤاكی و كهلتووری بگوهۆڕت. ئهو دهربارهیی بڵاڤبوونا شهڕێ دهروونی و نووچهیێن بێ بنهما هوشداریێ ددهت كو جاران بێی كو چ جێگر و بنهما بۆ ههبن، د ناڤ ڕای گشتی دا دئێنه بهلاڤ كرن و كارتێكرنێ ل سهر سهقامگییریا جڤاكی دكن.
د پشكهكا دی یا دیدارێ دا، ناڤبری دیار كر كو پێدڤییه لایهنێن پهیوهندیدار و پهروهردهیی كار ل سهر هۆشیاركرنا تاكی بكهن، دا كو بكارن نووچهیێن ڕاست ژ یێن چێكری و پڕۆپاگهندهیان جودا بكهن. ئهڤ دیمانه تیشكێ دئێخنه سهر گرنگیا كونترۆلكرن و بكارئینانا دروستا ڤان پلاتفۆڕمان د خزمهتا بهرژهوهندیێن گشتی یێن ههرێمێ دا.