ناڤەندا نووچەیان – سەما
ئيرۆ ئێكشهمبێ، 19ـى تەمموزا 2026، مەسرور بارزانی، سەرۆکێ حکومەتا هەرێما کوردستانێ، د چارچۆڤێ بزاڤێن بەردەوامێن حکومەتێ دا بۆ ڤهژاندنا ژێرخانا ژێدەرێن ئاڤێ، پرۆژەیەکێ ئاڤا ڤەخوارنێ بۆ 53 گوندێن سەر ب هەر سێ قەزایێن مێرگەسۆر، ئاکرێ و خەلیفان ڤە ڤەکر. ئەڤ پێنگاڤە ب مەرەما دابینکرنا باشترین خزمەتگۆزارییە بۆ ئاکنجییێن دەڤەرێ.
ژێدەرێ ئاڤا پڕۆژەیى ژ گوندێ بالندا یێ سەر ب دەڤەرا مێرگەسۆرێ ڤەیە، ل وێدهرێ وێستگەهەکا پاقژکرنێ هاتيیە ئاڤاکرن، کو د هەر دەمژمێرەکێ دا شیانێن دابینکرنا 1200 مەترێن سێجا یێن ئاڤێ هەیە. ئەڤ پڕۆژەیە ئاڤا ڤەخوارنێ یا پاقژ بۆ 35 ههزار وهلاتییان دابین دکەت.
پرۆژە سێ وێستگەهێن سەرەکی یێن پەمپکرنێ ب خۆ ڤە دگرت، 24 پەمپ و 70 کۆگههێن کۆمکرنا ئاڤێ ب قەبارێن جودا یێن د ناڤ دا ههین. قەبارێ کۆگههان ژ 100 تا 8000 مەترێن سێجا دبن. درێژاهیيا هێلێن سەرەکی نێزیکی 220 کیلۆمەترانە، و تۆڕا ناڤخۆیا گوندان ژی بتر ژ 320 کیلۆمەتران دبت. ب ڤێ چەندێ ژی کۆما گشتیيا تۆڕا پرۆژەیى دگەهتە 540 کیلۆمەتران.
ئەڤ پرۆژەیە دەلیڤەيهکا باش بۆ وهلاتییان پەیدا دکەت داکو بتر گرنگیيێ ب چاندن و ئاژەلداریێ بدەن، ئەڤ چەندە ژی دێ بتە پالپشتیيەکا ب هێز بۆ ئابۆرێ وەلاتی.