ناڤەندا نووچەیان – سەما
دگهل نێزيكبوونا وهرزێ زڤستانێ، رهزامهندى ل سهر بهڵاڤكرنا گازا سپى ل سهر ئاوارهيێن شنگالێ د ناڤ و ژ دهرڤهى كهمپاندا هاته دان.
مهحما خهليل، ئهندامێ پهرلهمانێ عێراقێ ڕاگههاند، لگهڵ ڕێڤهبهرێ گشتييێ كۆمپانيا بهرههمێن پهتڕۆلێ يێ عێراقێ كۆمبوو، نڤيسارهكا فهرمى پێشكێشكر بۆ هندێ دگهل نێزيكبوونا وهرزێ زڤستانێ گازا سپى بدهنه ئاوارهيان و ڕهزامهنديا خۆ نيشاندا.
ئهندامێ پهرلهمانێ عێراقێ ئاشكراكر: وهزارهتا كۆچ و كۆچبهرێن عێراقێ ژى رهزامهندييا خۆ دهربرى بۆ پێدانا گازا سپى بۆ ئاوارهيان دناڤ و دهرڤهى كهمپاندا.
ئاماژه ب وێ چهندێ دا، بڕياره ل دهمهكێ نێزيكدا دهست ب بهڵاڤكرنێ بێته كرن.
ب هزاران ئاوارهيێن شنگالێ ماوهيێ يازده ساڵانه ل ناڤا كهمپاندا ل سنوورێ پارێزگهها دهۆكێ ئاكنجى، ساڵانه گازندهيان ژ گيرۆبوونا دابينكرنا گازێ ژلايێ حكومهتا عێراقێ دكهن و گهلهك ئاواره ههتا وى ڕادهيى بههرا خۆ وهرناگرن.