ناڤەندا نووچەیان – سەما
بڕیارە دابەشکرنا پانزینێ ببته کۆپوون، و ئاوارە و پەنابەر ژی ژ ڤێ بڕیارێ بێ بههر نابن. ڕێڤەبەریيا نەفت و کانزایان ل هەولێرێ ڕاگەهاند، بتريا کاران تهمام بووينه، و د ئايندهيهكێ نێزیک دا پانزین ل بەنزینخانەیان دێ ب ڕێیا کۆپوونان ئێتە دابەش کرن.
سالار محەمەد، بەرپرسێ پشکنین و دووڤچۆنێ ل ڕێڤەبەریيا نەفت و کانزایان ل هەولێرێ بۆ (کوردستان24) ڕاگەهاند؛ پرۆسەیا دەرخستنا کۆبوونان بۆ دابەشکرنا پانزینێ دەست پێ کرییە و بتريا کارێن وێ تهمام بووینه. د ئايندهيهكێ نێزیک دا پانزین ل پانزینخانەیان دێ ب ڕێیا کۆبوونان ئێتە دابەشکرن، و نهۆ ب تنێ چازەڕێی هندێ نە ئەو ڕێژهيا پانزینا پێدڤی بۆ وان بێتە دابین کرن.
ل دۆر وان ئاوارە و پەنابەرێن ل هەولێرێ ئاكنجى نە و ب گۆڕهيى بەلگەنامەیان نەدكارين ژ پرۆسەیا دابەشکرنا پانزینێ ب کۆبوونێ مفادار بن، بەرپرسێ پشکنین و دووڤچۆنێ ل ڕێڤەبەریيا نەفت و کانزایان ئاشکرا کر؛ پرۆسەیا دەرخستنا کۆبوونان بۆ ئاوارە و پەنابەران دەست پێ کرییە و نهۆ دەرخستنا کۆبوونان بۆ پەنابەرێن سووری د ناڤ کەمپان دا تهمام بوويه و د چەند ڕۆژێن بێت دا بۆ وان ئاوارە و پەنابەرێن ل ناڤ تاخان دا ئاكنجى نه دێ دەست پێ کەت.
گۆتژى، د سهر ئێک ملیۆن ترۆمبێلان ل باژارێ هەولێرێ هەنە و ڕۆژانە پێدڤی ب دو ملیۆن لترێن پانزینێ نە دا کو بكارن کار ب سیستەمێ کۆبوونان بکەن.