ناڤەندا نووچەیان – سەما
بابێ شێخ “شێخ عەلی شێخ ئـەلیاس” پێشوازی ل پير دهیان جەعفەر، ڕێڤەبەرێ کۆچ و کۆچبەران ل پارێزگەها دهۆکێ و شاندێ دگەل دا کر، ل جهێ ئاکنجیبوونا خۆ ل کۆمەلگەها شێخکا.
د دیدارێ دا، ڕەوشا ئاوارەیان ل کەمپێن سنوورێ پارێزگەها دهۆکێ و ئەو ئاریشە و نەخۆشیيێن ڕووبڕوویى وان دبن، ب تایبەتی ئاوارەیێن خەلکێ شنگالێ. زێدەباری گرنگیيا ب داوى ئينانا كهيسا ئاوارهبوونێ بهحس كرن. هەروەسا دوپاتى ل سهر قەرەبووکرنا زیانڤێکەفتيیان ژ لایێ حکومەتا عێراقێ ڤە و دابینکرنا ڕەوشەکا گونجای بۆ ڤەگەڕیانەکا تەنا و ب کەرامەت بۆ سەر جهـ و مالێن وان ل شنگالێ کرن.
د پشکهكا دی یا دیدارێ دا، هەردو ئاليیان تهكهز ل سەر گرنگیيا بەردەوامبوونا هەڤکاری و هەماهەنگیيێ د ناڤبەرا ئالييێن پەیوەندیدار دا کر، ژ پێخەمەت خزمەتکرنا ئاوارەیان و چارەسەرکرنا وان ئاستەنگێن ڕووبڕوویى وان دبن.