ناڤەندا نووچەیان – سەما
چهند ڕۆژێن كێم ماينه بۆ ساخكرنا يادا سالڤهگهڕا جينۆسايدا ئێزدييان ل سهر دهستێ ڕێكخراوا داعش يا تيرۆرى، قايمقامێ قهزا شنگالێ دخوازت حكومهتا عێراقێ تايبهتمهندييا شنگالێ ل بهرچاڤ وهرگرت و بتر گرنگييێ پێ بدهت.
پێنجشهمبێ، 30ـى تهمموزا 2026، نايف سهيدۆ، قايمقامێ قهزا شنگالێ تايبهت بۆ سهما دياركر، چهند ڕۆژ ماينه دێ 12 سال ب سهر جينۆسايدا ئێزدييان ل شنگالێ دهرباز بن، پێدڤييه حكومهتا عێراقێ تايبهتمهندييا تايبهت بۆ خهلكێ شنگالێ ههبت، ژ بهر ئهڤ مالوێرانييا ب سهرێ واندا هاتى.
نايف سهيدۆ، ئاماژه ب وێ چهندێ دا، داخوازێ ژ حكومهتا عێراقێ دكهين پێنگاڤێن بتر بكهت بۆ ڕزگاركرنا ڕهڤاندييێن ئێزدى يێن ههتا نهۆ د بێسهروشوون، ههروهسا ئهو گۆڕێن بكۆم ماين ههموو بێنه ڤهكرن.
قايمقامێ قهزا شنگالێ دوپاتكر، پێدڤييه حكومهت خهلكێ شنگالێ قهرهبوو بكهت و دهست ب پرۆژهيێن ئاڤهدانييێ بكهت، داكو خهلك جارهكا دى بكارن ڤهگهڕنه سهر جهـ و وارێن خۆ ڤه.
رۆژی (3ی ئابی 2014)، چەکدارانی داعش هێرشیانكرده سهر شنگال و جینۆسایدی ئێزدییهكانی شنگال و ناوچهكهیان كرد کە لەو هێرشەدا، زیاتر لە پێنج هەزار هاووڵاتی ئێزدی کوژران و نزیکەی دوو هەزار و 745 منداڵیش بێ دایک و باوک بوون.
ل ڕۆژا (3ی تهباخا 2014) تيرۆرستێن داعشێ هێرش کرە سەر شنگالێ و جینۆساید ل دژى ئێزدیيێن شنگالێ و دەڤەرێ ئەنجامدا، کو د وێ هێرشێ دا، بتر ژ هەزار وهلاتييێن ئێزدی هاتنە کوشتن و 6417 كهس هاتنه ڕهڤاندن.