به‌هايێ كرێيا ڤه‌گوهاستنا نه‌فه‌ران ل شنگالێ هاته زێده‌كرن
سه‌ما
بريارا زێده‌كرنا به‌هايێ ڤه‌گوهاستنا نه‌فه‌ران ل ناڤا شنگالێ خه‌لكێ وێ قه‌زايێ دلگران كرينه،كو به‌ريا 10سالان بڤى به‌هايێ نۆكه نه‌بوويه.
به‌هايێ كرێيا ڤه‌گوهاستنا نه‌فه‌ران ل گه‌راجا شنگالێ بۆ ناحيا سنوونێ بۆ هه‌ر كه‌سه‌كى ب هه‌فت هه‌زار ديناران هاتيه دياركرن،كو پێشتر ب تنێ دبن پێنج هه‌زار ديناران دا بوو.
وه‌لاتيێن شنگالێ ڤێ بريارا ژلايه‌نێن په‌يوه‌نديدار هاتيه ده‌ركرن ره‌ت دكن و دێ بته بارگرانى ل سه‌ر وه‌لاتيان ب تايبه‌ت ته‌خا هه‌ژاران،ژبه‌ركو هه‌فت هه‌زار دينار به‌هايه‌كێ زۆره و ئه‌و دگه‌ل ڤێ چه‌ندێ دا نينن.
هه‌ر ل گۆڕه‌ى گۆتنێن وه‌لاتيان،دوراتيا دناڤبه‌را سه‌نته‌رێ شنگال و ناحيا سنوونێ ب تنێ نيڤ ده‌مژمێره و ئه‌ڤ به‌هايێ بۆ گوهاستنا نه‌فه‌ران هاتيه دياركرن دجهێ خۆ دا نينه.
به‌ريا جينۆسايدا بسه‌رێ خه‌لكێ شنگالێ دا هاتى ل سه‌ر ده‌ستێ داعشێ ل سالا 2014ێ،به‌هايێ ڤه‌گوهاستنا نه‌فه‌ران دناڤبه‌را هه‌ردوو جهێن دياركرى دا بتنێ چار بۆ پێنج هه‌زار ديناران بوون.