سه‌ما
ب ئامادەبوونا سەرۆک وەزیران مەسرور بارزانی، رێوره‌سمێن پرۆژێ جووتسایدێ شێخان-لالش ل دهۆکێ ده‌ستپێكرن.
ئيرۆ شەمبوويێ 21ێ ئیلۆنا 2024ێ، ل سنوورێ پارێزگەها دهۆکێ، ب ئامادەبوونا سەرۆک وەزیران مەسرور بارزانی، رێورەسمێن دانانا به‌رێ بنياتێ جووتسایدێ شێخان-لالش هاتە دانان.
د ڤێ رێورەسمێ دا، کەریم سلێمان، ب ناڤێ میرێ ئێزدیان گۆتاره‌ك پێشکێشکر و تێدا گۆت: “بێ گۆمان، دروستكرنا ڤى جووتسایدى دێ خزمەتەکا مەزن بۆ خەلکێ شێخان و ناحیا ئەتروش و دهۆکێ کەت.
گۆتژى: ئەڤ رێ دێ خزمەتەکا مەزن بۆ ئێزدیان کەت، نە تنێ یێن ل کوردستانێ، بەلکو ل سەرانسەری جیهانێ، ئاماژە ب جەژنا “جەما” یا ئێزدیان کر کو ژ 6 هەتا 13ێ مەها 10ێ یە، و گۆت” سه‌ره‌دانكه‌رێن لالشێ ژ ئەرمینیا، روسیا، گۆڕجستان، ئەلمانیا، ئەوروپا و ئەمریکا، هەروەسا ئێزدیێن تورکیا و سوریێ دێ سەرەدانا لالشێ کەن، ئەڤ یەک ژی نیشانا رێزگرتنا حکومەتا هەرێمێ یە بۆ پێکڤەژیانێ”.
د ماوێ کابینا نەهێ یا حکومەتا هەرێما کوردستانێ دا، رەزامەندی ل سەر جێبەجێکرنا 1314 پرۆژان ب بودجەیەکا زێدەتر ژ 3 ترلیۆن و 107 ملیار دیناران ل سنورێ پارێزگەها دهۆکێ هاتیە دان، پرانیا وان پرۆژان هاتینە تەمامکرن و کارکرن ل سەر هندەکێن دی بەردەوامە.