ناڤەندا نووچەیان – سەما
ناڤەند و سەنتەرێن رەوشەنبیری ل دەڤەرا شێخان ل خرڤەبوونەکا نیشتمانی دا، ب توندى ئێرشێن بۆ سهر نڤيسينگهها سهرۆكێ حكومهتا ههرێما كوردستانێ مهسرور بارزانى و جهێ حەواندنا ڕێڤەبەرێ ئاژانسا پاراستنێ ل پیرمام شهرمزار كرن، ههڤدهم داخواز ل حکومەتا فیدڕال كرن ب ڕژدی بێتە سەر خەت و سنوورەکى بۆ ڤان هەلسوکەوتان ب دانێت.
پێنجشهمبێ17ـی تهباخا 2026،ناڤەند و سەنتەرێن رەوشەنبیری ل دەڤەرا شێخان پهيامهك ڕابهرى مەسرور بارزانی، سەرۆکی حکوومەتی هەرێمی کوردستان کرن، هەلويستێ خۆ ل سەر ئێرشێ بۆ سەر قەزایا پیرمام ل هەولێرێ دياركرن.
د پهيامێ دا هاتييه: ل سەر بنەمایێ هەستکرن ب بەرپرسیارەتیا ئەخلاقی و زانستی و نیشتمانی بەرامبەر پاراستنا ئاسایشا نەتەوەیی و سەروەریا ئاخا هەرێمێ، ئەڤرۆ ئەم وەک ناڤەند و سەنتەرێن ڕەوشەنبیری ل دەڤەرا شێخان ل خرڤەبوونەکا نیشتمانی دا ئامادە بووینە دا کو ب دەنگەکێ زەڵال و هەلویستەکێ ئاشکرا دارێژتنا ڕەتکرن و ئیدانەکرنێ بۆ وان دەستدرێژیێن ترسنۆکانە بکەین، د قۆناغەکا هەستیار و جوگرافیەکا پر ئالۆز دا کو نیشتمانێ مە زیاتر ژ هەر دەمەکی پێدڤی ب ئێکڕێزی و ئارامی و دیالۆکا شارستانی یە، هێزێن تاریکیێ ب ئێرشەکا ترسنۆکانە یا درۆنی ژ دەرڤەی سنووران و جهێن دەرڤەی یاسایێ، دیسان هەولدا ئارامی و سەقامگیریا کوردستانێ تێکبدەن.
ناڤەند و سەنتەرێن رەوشەنبیری تهكهزێ ل سەر مەترسیييا ئهڤان ئێرشان کر و ڕاگەهاند: ئەم وەک سەنتەر و ناڤەندێن ڕەوشەنبیری ل دەڤەرا شێخان، ل خرڤەبوونەکا نیشتمانی دا ب توندترین ئاخفتن و زاراڤێن ئەدەبی ئیدانە و شەرمزاریا وان ئێرشێن ترسنۆکانە دکەین کو سپێدەهیا ڕۆژا دوشەمبێ، 17ـى تهباخا 2026ێ، ژ ئالی هێزێن دەرڤەی یاسایێ ڤە کرینە سەر نڤێسینگەها تایبەت یا سەروکێ حکومەتا هەرێما کوردستانێ جەنابێ “مەسرور بارزانی”، و جهێ حەواندنا ڕێڤەبەرێ ئاژانسا پاراستنێ ل پیرمام. ئەڤ دەستدرێژیێن نەڕەوا یێن کو چ بەهانەیەکێ هەلناگرن، بەزاندنەکا دیار یا سەروەریا ئاخا هەرێما کوردستانێ و عێراقێ نینە بەلکو هەوڵدانەکا ئاشکرا و مەترسیدارە بۆ نیشانەگرتنا پێگەهێن دەستووری و یاسایی یێن هەرێمێ و تێکدانا ئارامیا وەلاتیان.
د پشكهكا دى يا پەیامێ دا هاتييە: مێژووا کوردستانێ هەمیشە وەک ڕووبارەکێ پاک ب ڕەوانگەها ئاشتی وپێکڤەژیان و دیالۆکێ ڕژیایە و چ جار بەشەک نەبوویە ژ شەر و ئاڵۆزیێن دەڤەرێ، هەردەم وەک بەشەک ژ چارەسەریێ بزاڤ کرییە ئاریشا ب ڕێیا ئاخڤتنێ بهێنە ئێکلاکرن و ئاخا خوە ژ ململانیێ دوور بگریت. کابینەیا نەهێ ب ڕابەرایەتیا جەنابێ مەسرور بارزانی، د ناڤبەرا سێبەرا قەیرانان دا وەک کێلگەیەکا خوراگریێ ڕاوەستیا و ئالایا ئاڤادانیێ بلند ڕاگرت. نیشانەگرتنا ڤێ ئیرادەیێ و دەزگەهێن ئاسایشێ چ نینە ژ بلی بزاڤەکە بۆ تێکدانا هەوڵێن ئاشتیێ ئەم ژی دوپات دکەین کو بکارئینانا درۆن و مووشەکان چ جار ناکەڤیتە د خزمەتا چ چارەسەریان دا و تنێ ئالۆزیان زێدەتر دکەت. د ڤێ ئاستەنگێ دا، ئێکڕێزیا ماڵا کوردی و پشتەڤانیا بەرفراوان ئاشکرا کر کو ئارامیا کوردستانێ هێلا سورە، و د هەمان دەم دا ئەرکێ سەرەکیا حکومەتا فیدرالا عێراقێیە کو ب رژدی بهێتە سەر خەت دا کو سنوورەک بۆ ڤان هەڵسوکەوتان ب دانێت و ڕێگریێ ل بنپێکرنا سەروەریا ئاخا وەلاتی بکەت.
د داوييا پهيامێ دا هاتييه: ئەم ژی ل ڤێرێ ڕادەگەهینین کو لێدانا دڵێ ئاسایشا هەرێمێ لێدانە د دڵێ هەمی ڕەوشەنبیر و نەتەوەپەروەرەکی دا، و ئەڤ کریارێن ترسنوکانە چ جار ناهێلن کو ڕێڕەوا ئاشتی و گەشەکرنا مە ب ڕاوەستیت. ئەم پشتەڤانیا خوە یا تەمام بۆ حکومەتا هەرێما کوردستانێ دوپات دکەین و وەسا دبینین کو هزر و قەڵەمێ ئەکادیمی و کلتووری دێ هەمیشە وەک چەپەر بت بەرامبەر توندوتیژی و تاریکیێ مینیت و ڕۆشناهیا وێ دێ ئاسۆیا کوردستانێ پاراستی هێلت.