ناڤەندا نووچەیان – سەما
میر حازم تهحسين بهگ، ميرێ ئێزدیيان ل كوردستان، عێراقێ و جیهانێ و سهرۆكێ جڤاتا ڕۆحانى يا بلند يا ئێزدييان دگهلدا مەیان خێرى بهگ، خاتوونا ئێكێ يا ئێزدييان، ڕوونشتنەکا ڤهكرى ل گەل رهڤهندا ئێزدييان ل دەرڤەی وەلاتی ل مالا ئێزدیيان ل باژێرێ ئۆلدنبۆركێ ئەنجام دا.
د کۆمبوونێ دا کۆمەکا بابهتێن سەرەکی یێن پەیوەندی ب ژیانا ڕهڤهندێ ڤه ل ئەورۆپا هەی هاتنە بەحس کرن، د سەرێ وان دا رێکێن پاراستنا داب و نەریتان و خۆگرتنا کەلتوور، فۆلکلۆر و زمانێ دایکێ.
میر حازم تەحسین بەگ د ئاخفتنا خۆ دا تهكهزى ل سەر گرنگیيا ئێکخستنا ڕێزێن ڕێکخراو و ئێکەتیيێن ئێزدیيان ل دەرڤەی وەلاتی کر، و داخوازا کارێ هەڤبەش کر بۆ پاراستنا بنەما و بهایێن ئۆلى، و خۆگرتنا ب ڤێ ناسنامەیا ڕەسەن ڤە وەک قەلا سەرەکی یا ئێزدیيان ل وەلاتێن دەرڤەيه.
د روونشتنێ دا، کو ب ئامادەبوونا نوونەرێ میرى ل ئەلمانیا قيران ئیبراهیم و جەماوەرەکێ مەزن یێ ئێزدیيان یێن ژ عێراق، تورکیا و سووریێ هات بوون ب ڕێڤە چۆ، دەرگەهێ دانوستاندن و دیالۆگێ هاتە ڤەکرن، و میرى بەرسڤا پرسیار و تێبینیێن ئامادەبوویان دا د دەربارەی ئەو دۆسیەیێن پەیوەندی ب پاشهڕۆژا جڤاکى ڤە هەیی.