ناڤەندا نووچەیان – سەما
گەنجەکێ ئێزدی ل هەلبژارتنێن باژێرڤانیيێن باژێرێ ئۆلدنبۆرگ ل ئهلمانیا بتريا ڕەها یا دەنگێن لیستا پارتا كهسك ل بازنەیێ خۆ مسۆگەر کر.
نۆژدار سەعید عهبدۆ، گەنجەکێ ئێزدی یێ خەلکێ کۆمەڵگەها شاریا یە ل پارێزگەها دهۆکێ، ل هەلبژارتنێن باژێرڤانیيان ل هەرێما ساکسۆنیا خوارو ل ئەلمانیا سەرکەڤتنەکا مهزن یا سیاسی ب دەستڤە ئینا.
د داخويانيهكێ دا، نۆژدار سەعید عەبدۆ بۆ سهما ڕاگەهاند، بۆ هەلبژارتنێن دەڤەرا باشورێ باژێرێ ئۆلدنبۆرگ ل هەرێما ساکسۆنیا خوارو کو ل 13-9-2026 ل ئەلمانیا ب ڕێڤە چۆن، وەکو بهربژارێ لیستا پارتا كهسك خۆ بەربژار کربوو.
ل هەڤڕکیيا دناڤبەرا 8 بهربژارێن پارتێ ل وی بازنەیی دا، ب کۆمکرنا 1,784 دەنگان، ب جیاوازیەکا بەرچاڤ پلەیا ئێکێ ب دەستڤە ئينا.
زێدهتر گۆت: ب تنێ كارى 51% ژ سهرجهمێ گشتی یێ دەنگێن لیستا پارتا سەوز ل وی بازنەیی بۆ خۆ مسۆگەر بکەت، ل دەمەکى کو تەڤاهييا بهربژارێن دی یێن هەمان لیست پێکڤە 49% یا دەنگان ب دەستڤە ئینابوون.
ئەڤ ئەنجامە وەکی دەستکەفتەکێ بێ وێنە و بەلگەیا باوهرييا بهێز یا دەنگدەران ب شیانێن وی گەنجی دئێتە هژمارتن.
ناڤهاتى دەرچۆیێ بەشێ ئەندازیاریا تەلارسازیێ یە ل زانکۆیا ئۆلدنبۆرگ ل ئەلمانیا و ماوهيێ چار سالانە ب شێوەیەکى چالاکانە د ڕێزێن پارتا سەوز یا ئەلمانی دا کار دکەت.