ناڤه‌ندا نووچه‌يان – سەما
وەزیرێ ناڤخۆیێ حکومەتا هەرێما کوردستانێ راگەهاند، ئەم ئامادەينە بۆ هەڤکاریيێ ل گەل حکومەتا فیدڕال یا نهۆ بۆ چارەسەرکرنا کێشه‌يا شنگالێ.
ئيرۆ سێشەمبێ، 13ـی چريا ئێكێ 2026، رێبەر ئەحمەد، وەزیرێ ناڤخۆیێ حکومەتا هەرێما کوردستانێ، د په‌نه‌له‌كێ دیدارا مێری ل باژێرێ هەولێرێ، تیشک ئێخستە سەر پرسا كێشه‌يا شنگالێ و بجهئينانا ڕێككه‌ڤتنا هه‌ولێر و به‌غدايێ ل دۆر وى باژێرى.
رێبەر ئەحمەد، ته‌كه‌زى ل وێ یەکێ کر، ئەو داخوازێ ژ حکومەتا فیدرال دکەن بەردەوام بت ل سه‌ر بجهئينانا ڕێککەڤتنامه‌يا شنگالێ و گۆت: “هەر ڕێککەڤتنەک ل دۆر قەزایێ، دڤێت ب هەماهەنگی ل گەل حکومەتا هەرێما کوردستانێ بێتە کرن ژ بەر کو ئەڤ کێشەیە حزبی نینە.”
وەزیرێ ناڤخۆ هەلویستێ خۆ ل دۆر پرسا شنگالێ دیار کر و گۆت: ئەم “ئامادەينە بۆ هەڤکاریيێ ل گەل حکومەتا فیدڕال یا نهۆ بۆ چارەسەرکرنا کێشه‌يا شنگالێ و پشتەڤانیيا هه‌موو برایێ ئێزدی دکەین بۆ دەرئێخستنا هەموو هێزێن نە عێراقی.”
ل هەمان دەم دا، ل دۆر دۆسيەیا پارتا کارکەرێن کوردستانێ (پەکەکێ) ئاخڤت و ئاشكراكر: “دۆسيەیا پەکەکێ ل شنگالێ دۆسيەیەیا عێراقی – تورکی یا هەڤپشکە، و هەرێما کوردستانێ پشکەکا سەرەکی تێدا هەیە.”