ناڤه‌ندا نووچه‌يان – سه‌ما
بڕياره ل هه‌يڤا بێت، فێستیڤالا “ده‌نگبێژييێ و گۆڤه‌ندێ”، ب ئارمانجا زیندیکرنا کەلتوور و فۆلکلۆرێ ئێزدييان و ناساندنا دەولەمەندیيا هونەرێ ده‌ڤه‌را شنگالێ ب تايبه‌تى برێڤە بچت.
شه‌مبى، 24ـى چريا ئێكێ 2026، قاسم عيدۆ، به‌رپرسێ بنگه‌هێ شنگال يێ ڕه‌وشه‌نبيرى راگەهاند: ” ئەڤ فێستیڤالا كه‌لتوورى، چەندین بڕگەیێن جۆراوجۆر يێن هونەری و که‌لتووری بخۆ ڤه دگرت،دەرفەتەکە بۆ کۆمبوونا هونەرمەندان و وان کەسان ئەوێن گرنگیيێ ب پاراستن و گەشەپێدانا کەلتوورى ددەن، دا کو ب ڕێیا هونەری ڤە، دەولەمەندیا فۆلکلۆر و ناسنامەیا ئێزدييان بتر بدەنە ناساندن.
گۆتژى: ئه‌ڤ فێستيڤاله ژ ئالييێن بنگه‌هێ شنگال يێ ره‌وشه‌نبيرى و ژماره‌كا رێكخراو و سازييێن دى يێن ره‌وشه‌نبيرى و هونه‌رى ڤه، ل ده‌مه‌كێ نێزێك ل ناحيه‌يا سنوونێ و شنگالێ دێ ئێته گێڕان و دو رۆژان دێ يا به‌رده‌وام بت.
سه‌باره‌ت پشكدارييا هونه‌رمه‌ندان، قاسم عيدۆ دياركر، هونه‌رمه‌ندێن شنگالێ و عێراقێ و تيپێن هونه‌رى ژ ده‌رڤه ژى دێ پشكدارى ئه‌ڤێ فێستيڤالێ بن.
فێستيڤال بزاڤێ دکەت فۆلکلۆر و هونەرێ ئێزدييان و ده‌ڤه‌را شنگالێ ب ڕێیا بڕگەیێن خۆ یێن جۆراوجۆر بئێختە بەرچاڤێن بەشداربوویان، و گرنگیيا بەردەوامیا ڤی کەلتووری ل ژیانا ئيرۆ و داهاتى دا دیار بکەت.