ناڤه‌ندا نووچه‌يان – سه‌ما
سه‌رۆكێ باژێرڤانييا شێخان راگه‌هاند، به‌رهه‌ڤى دئێنه كرن بۆ دابەشکرنا پارچه‌يێن ئه‌ردى ل سه‌نته‌رێ قه‌زا شێخان و نێزيكى دو هه‌زار فه‌رمانبه‌ران دێ مفادار بن.
خالد نه‌رمۆ، سه‌رۆكێ باژێرڤانييا شێخان، ئيرۆ چارشه‌مبێ 28ـى تشرينا ئێكێ 2026، بۆ سه‌ما راگه‌هاند، د ئاییندەیەکێ نێزیکدا پرۆسەیا دابەشکرنا ئه‌ردى ل سه‌نته‌رێ قه‌زايێ دێ ده‌ست پێ كه‌ت.
ئاماژه ب وێ چه‌ندێ دا، نێزيكى هه‌زار بۆ دو هه‌زار فه‌رمانبه‌ران دێ مفادار بن، نوها ب تنێ رێكارێن ياسايى ماينه ل گه‌ل رێڤه‌به‌رييێن په‌يوه‌نديدار ته‌مام بن و فه‌رمانبه‌رێن هه‌ر ناحييه‌كێ ل ده‌ڤه‌را خۆ دێ ئه‌ردى وه‌رگرن.
ل 27ـی ئادارا 2024ێ، ل کۆبوونەوا جڤاتا وەزیرێن هەرێما کوردستانێ، سەر ل فەرمانا مەسرور بارزانی، سەرۆکێ وەزیرێن هەرێما کوردستانێ، بڕیار هاتە دان ب بەلاڤکرنا عەردی (زەڤیان) ل سەر هەمی وان فەرمانبەرێن کو سوودمەند نەبووینە ژ وەرگرتنا عەردی.