ناڤه‌ندا نووچه‌يان – سه‌ما
يازده سال ب سەر ڕزگارکرنا شنگال و دەوروبەرێن وێ ل دەستێ تیرۆریستێن داعش ده‌رباز دبن، دەمێ هێزێن پێشمەرگەهێن کوردستانێ ب سەرۆکایەتییا سەرۆک بارزانی ئێرش کرە سەر وى باژێرى.
ل رۆژا 13ـی چريا دويێ 2026، يازده سال ب سەر ڕزگارکرنا شنگالێ ده‌رباز دبن، به‌ريا سالان ل دووڤ ئۆپراسیۆنەکا دو رۆژی، سەرۆک بارزانی ل سەر چیایێ شنگالێ، ڕزگاربوونا شنگالێ ژ دەستێن تيرۆرستێن داعشێ راگەهاند.
شنگال کو ناسنامەیا وێ كوردستانییە؛ رۆژا سێی ته‌باخا 2014 كەفتە بەر ئێرشا تيرۆرستێن داعش و باژێر داگیر کر.
تيرۆرستێن داعش نەخاسمە ئەنجامدانا کۆمكوژییان ل باژێرى، بتر ژ شەش هەزار كه‌سێن سڤيل يێن ئێزدى کو بتریا وان ژن و زارۆ بوون ڕه‌ڤاندن.
شنگال پشتى ىسالەکێ ژ داگیرکرنا وێ ژ ئالییێ تيرۆرستێن داعشێ ڤە، هێزا پێشمەرگەهێن کوردستانێ ب بەشدارییا هەفت هەزار و 500 پێشمەرگەهان و ب سەرپەرشتییا راستەوخۆ یا سەرۆک بارزانی و پشتەڤانییا فڕۆکەيێن شه‌ڕى یێن هەڤپەیمانان، ئۆپه‌راسیۆنا ڕزگارکرنا شنگالێ، ل دەمژمێر هەفتى سبێ ژ چار ره‌خان ڤە دەست پێ کر.
سەرۆک بارزانی ل چیایێ شنگال مزگينييا ڕزگارکرنا باژێرى ژ دەستێن تیرۆریستێن داعش راگەهاند و ئاماژە ب وێ چەندێ کر، ژ روویێ سەربازی، سیاسی و مێژوویی ڤە سەرکەفتنەکە مەزنە بۆ گەلێ کوردستانێ ل سەر دەستێ پێشمەرگەیێن قەهرەمان.