ئێزديێن باشيكێ كه‌لوپه‌لێن فلكلۆرى دمالێن خۆ دا دپارێزن
سه‌ما
ئێزديێن ناحيا باشيكێ ژبه‌رنه‌بوونا جهه‌كێ تايبه‌ت يێ پاراستنا فلكلۆرى،كه‌لوپه‌لێن خۆ يێن فلكلۆرى ژ نه‌مانێ دمالێن خۆ دا دپارێزن.
رێكخراوا داعش يا تيرۆرى ده‌مێ ده‌ست بسه‌ر ده‌ڤه‌را باشيكێ دا گرتى،گه‌له‌ك ژ كه‌لوپه‌لين كلتۆر و فلكلۆرێ ده‌ڤه‌رێ تالانكرن و دزين و تێكدان.
ره‌عه‌د تارق،به‌رپرسێ بنگه‌هێ لالش تايێ به‌حزانێ بۆ(سه‌ما)دياركر؛پشتى نه‌مانا داعشێ خه‌لكێ ده‌ڤه‌رێ و ب تايبه‌ت ئێزديان ده‌ست ژ كلتۆر و فلكلۆرێ خۆ يێ ڕه‌ه‌سن به‌رنه‌دان،هه‌تا نۆكه چه‌ند كه‌لوپه‌ل ل نك وان ماينه و دناڤا مالێن خۆ دا دپارێزن و نه‌هێلان ژناڤ بچن.
وه‌ك بنگه‌هێ لالش ژى هه‌بوونا مۆزه‌خانه‌يه‌كێ بۆ پاراستنا ڤى كه‌لتۆر و فلكلۆرى ل ده‌ڤه‌رێ ب گرنگ دبينين.